28/10/2009

播放本新聞相關短片

政情：大舊石幫人來者不拒？

立法會議員石禮謙（大舊石）被指協助煲呔曾弟婦成功向銀行爭取提早獲得賠償，大舊石尋日透過電台節目為自己澄清，強調任何苦主都可以向議員求助；對於被指沒有協助ELN苦主爭取賠償，大舊石就賴班苦主無搵佢幫手喎！說話又唔可以咁講，事關當初煲呔曾細佬曾蔭煊向佢求助時，佢都提議轉介畀議員甘乃威跟進，甘乃威亦承認收過大舊石唔少轉介個案，咁點解大舊石又會親自跟進及處理曾蔭煊單嘢？若非因為煲呔曾嘅關係，咁又係邊個嘅關係？真係水洗都唔清囉！