本文重點
地盤出入口「開錯位」，竟揭示部門互相卸膊文化根深柢固。深水埗西邨路為富昌邨居民出入必經之路，早前突被闢作公屋地盤車輛出入口，威脅居民與駕駛者生命安全。面對居民投訴之聲不絕，房屋署與運輸署竟互扯貓尾，聲稱已諮詢相關部門及地區意見，事後突然「轉軚」，同意另闢出入口。議員直斥部門安排失當兼浪費人力物力。
深水埗富昌邨毗連一幅房署空置用地，中間以西邨路作分隔，每天有不少居民沿此路往返屋邨。今年八月，空置用地突然築起圍板，未幾即設置地盤出入口，居民出入自此便一步一驚心。街坊朱先生說：「啲車喺地盤出出入入，尤其係晏晝三、四點，出去買餸嘅又有，放學嘅又有，一時睇唔到架車就大件事！」朱質疑房署安排失當，應將出入口改在東京街或通州街設置。
就記者現場所見，離西邨路行人過路處不遠正是地盤出入口，行人每當要經過出入口時必會四處張望，甚至等候地盤工作人員指示，避免與出入的巨型車輛撞個正着。與此同時，凡有車輛駛入地盤時，隨後駕駛者或未能及時意識前車慢駛轉入而煞車，意外一觸即發。
議員狠批攞正牌擾民
「房署明知地盤對住個屋邨，仲揀嗰度做地盤出入口，係咪為咗行政方便、做少啲文書申請就可以攞正牌擾民？」立法會議員陳克勤狠斥部門「貪方便」，未有詳細考慮便在居民出入通道設置地盤出入口，有違以民為本宗旨。
房署發言人重申，曾就有關公屋發展計劃諮詢深水埗區議會意見，惟未有詳細解釋內容。經記者再三追問，發言人才改口稱，已向九龍西區地政處申請，計劃於東京街另闢地盤出入口讓工程車使用。
運輸署發言人推說地盤出入口位置由房署建議，並經該署批核。現房署考慮到公眾對地盤車輛進出西邨路關注，已申請將出入口遷往東京街，該署亦表示支持。
低估人流量 浪費資源
「好明顯係揀錯位做地盤出入口，之前就試過有老人家喺地盤口跌親，嗰日如果咁啱有車出入就好危險！」深水埗區議會副主席譚國僑批評房署與運輸署忽略實際情況，低估西邨路近欽州街口行人流量，「依家房署又話會開過另外一個出入口，但要年底前先改好，咁樣兜兜轉轉，嘥晒人力物力，簡直失策又戇居！」
記者 吳琰玲