唔敢落床
呢兩位靚女，都係嚟自澳門富×夜總會嘅囡囡，一個係20歲嘅香香，紮起頭髮，睇樣子十分清爽，而且斯文大方；而另一位係21歲嘅淼淼，留有長直髮，身材唔錯，同樣畀人一種淡淡定、有錢剩嘅感覺。我哋先嚟問吓香香，香香話：「我從小就好怕啲鬼怪嘢，所以唔好話自己扮鬼去嚇人，喺電視睇啲廣告片都會嚇餐死。」驚咪攬住男朋友囉！香香話：「攬得嗰一陣有啲乜嘢用，所以我從來都唔睇恐怖片。」
最怕乜嘢呢？香香話：「唔識講呀！總之睇完呢啲嘢就成晚都唔敢瞓，驚住真係會走出嚟搞我。」睇嚟曾經試過呢？香香話：「初戀男友呃我初夜嗰晚，咪氹我去佢屋企睇鬼片囉，之後搞到成晚唔敢落床。」
嚇人唔好
係你唔畀佢落床咋？香香話：「人哋驚，梗係唔畀佢落床啦！之後我學精咗，所有男仔約我睇戲，一定唔會同佢哋睇恐怖片，費事畀佢哋乘虛而入，奸計得逞，連返屋企睇碟，都要由我揀好睇乜，至畀佢播。」咪睇香香高頭大馬，原來咁鬼細膽。我哋再問另一個靚女淼淼，點解唔贊成四圍扮鬼扮馬嚇人？淼淼話：「你扮乜嘢，我唔理得咁多，但你走嚟走去嚇人，就唔係咁好囉，有啲人畀你嚇死咗，你話點算呢？」
好似有切身感受喎？淼淼話：「初戀男朋友因為要升學，所以去咗好遠嘅地方讀書，為免大家牽掛，我哋無奈咁分手，佢臨走時，送咗一個我同佢一齊做嘅陶瓷相架畀我留作記念，我一直都好好愛惜個相架。」
淼淼繼續話：「點知我個同房，就唔知發乜嘢神經，有晚扮鬼嚇我，咁啱我當時正攞住個相架諗緊初戀男友，畀佢突然一嚇，成個相架就咁打爛咗，我足足喊咗成個月，你話扮鬼扮馬嚟嚇人，係幾咁無謂吖？」
笑看鬼片
本身淼淼又怕唔怕鬼鬼怪怪呢？淼淼話：「我行得正，企得正，做人光明磊落，乜嘢鬼怪都唔怕，叫我睇恐怖片仲會睇到格格笑，有時比啲男仔仲要大膽。」咁想喺戲院搵着數咪冇行？淼淼話：「梗係啦！」
但據我哋所知，咪睇淼淼咁硬淨，原來佢好感性，帶佢睇苦情戲，佢會完全崩潰，到時你嘅膊頭就可以大派用場，而呢兩位囡囡，對扮鬼扮馬各有苦衷，但本身唔係難相處之人，諗吓計一樣可以奪得美人歸。
淼淼小檔案
年齡：21歲
三圍：35、24、34
興趣：睇戲
香香小檔案
年齡：20歲
三圍：34、23、33
興趣：吹水
撰文：小德
攝影：強