27/10/2009

播放本新聞相關短片

政情：潘潔推銷政策照稿讀冇新意

政府今個禮拜搵咗幾個副局長喺電視推銷六大產業，打頭炮竟然係被喻為唔Talk得又唔Social嘅環境局副局長潘潔。短短幾分鐘嘅節目，佢只係答咗主持幾條問題，照稿讀咁講吓施政報告入邊點樣支持環保行業，又重提講過N咁多次嘅建築物能源效益守則，幾乎係喺度背書。至於惹來全城怒吼嘅慳電膽就一句都唔敢提，總之一句就係冇新意，加上潘潔講嘢陰聲細氣，差點連節目主持都大聲過佢，搵佢推銷政策成效可想而知。