房屋署每三年一次為全港屋邨進行定期檢查及測試（簡稱三年檢），期間會暫停食水及電力供應。青衣長康邨其中三座樓宇於十月初進行檢查，居民林先生質疑房署安排欠善，影響住戶日常生活，「冇電連風扇都開唔到，依家十月仲咁熱，啲老人家可能頂唔住，點解唔等到冬天先嚟做檢查？」
當區區議員徐曉杰亦接獲多名長者反映，指檢查期間引起諸多不便，「冇得睇電視事小，熱到暈事大，我估房署唔係做唔到冬天檢查，而係冇諗過體恤班老人家同市民！」
房署發言人解釋，該署制訂「三年檢」時間表時，已避免在公眾假期及七至九月開展工程。鑑於檢查涉及全港公屋及大量工程人員，並須協調多個部門，故無法將所有檢查工作安排在冬季進行。
