不時要購買天拿水「開工」的廖先生發現，現時五金店出售散裝天拿水多以舊啤酒樽盛載，但樽身卻鮮有警告標示，「十間有九間都係咁，成支啤酒咁，又冇寫明係天拿水，擺喺屋企，啲人唔知就大鑊啦！」廖指家人便曾誤將天拿水當啤酒存放雪櫃冷藏，險生意外。

僅在樽蓋寫「天」字

為了解散裝天拿水出售情況，記者分別於港、九、新界共七間五金店購買，發現只有一間有在樽上貼有警告標示，其餘僅在樽蓋寫上「天」字了事。

據五金店業內人士透露，五金店一般會購入十八公升大桶裝低純度天拿水分拆出售。除天拿水外，火水、松節水及通渠水亦會以舊玻璃樽入樽出售。「法例係要啲舖頭自己印警告標籤同貼喺個樽度，但消防（處）都冇人巡，邊會有人做？」業內人士指，行內普遍為節省成本及「貪方便」，只會寫上「天」字識別。

「消防冇理由只係監管大罐裝危險品，五金舖啲散裝貨就唔理！」立法會保安事務委員會委員黃國健坦言，過去曾有一名工友誤將妻子購買的通渠水當啤酒，並攜同北上開工，乘搭長途車期間不慎誤飲，「佢只係飲咗一啖就『乸』傷喉嚨死咗，坐前面嗰個就畀佢噴到灼傷個頭！」黃指事件凸顯散裝危險品問題存在已久，不滿消防處一直未有嚴加執法，令危機仍然廣布社會不同角落。

消防安全大使導師佘慶雲則直斥消防處監管不力，「我唔信啲消防員冇去買過天拿水，冇理由個問題咁耐都冇人理！」佘促消防處加強執法及教育，確保市民安全。

違例可監禁六個月

本報向消防處提供六間懷疑違反法例的五金店名單，但該處發言人稱，經調查後，僅有一間疑違反《危險品條例》。發言人又稱，今年共巡查三百三十八間五金店，但無違法出售危險品檢控數字。法例規定，任何人儲存、運送或出售危險品時，未有在器皿外以中英文清楚列出名稱及貼上指定標籤，即屬違法，最高可被判罰款二萬五千元及監禁六個月。

誤飲傷食道後果不堪設想

香港醫學會會董何鴻光表示，天拿水及通渠水等危險物屬有機溶解物，會破壞人類組織及細胞，市民如不慎誤服，輕者會被灼傷食道，令食道收窄，引致日後吞咽困難；重者會出現嘔吐，令危險品容易進入氣管及肺部，引致肺炎及急性呼吸道發炎，更有危及性命之虞。

記者 徐曉敏、陳子安