23/10/2009

播放本新聞相關短片

政情：黃靜文誤踩林D9自閉欠坦誠

煲呔曾尋日委任前民政事務總署副署長黃靜文做政制及內地事務局副局長，喺記者會上有記者問佢：該局局長林瑞麟一直被批評為「人肉錄音機」，佢點睇？黃靜文就回答話，局長資深、有經驗、肯承擔，佢自己就外向、鍾意同人溝通，有乜事無論做得到或者做唔到，都會坦誠解釋。黃副局首次「考試」，答問四平八穩，不過佢咁講，好容易令人聯想起局長自閉、唔鍾意同人溝通，唔會坦誠解釋——咪就係成部人肉錄音機囉！