o靚模上大學的講座，講「文化」？不一早預咗低俗與廢話，難道會是「百尺無寸枝，一生自孤直」的高雅？幸好o靚模做到了孔夫子所說的「不知為不知，是知也」的忠告，未如一些高官政客扮高深的亂噏，總之，「自拍好開心」，我嘅開心，即係代表好多時下o靚妹嘅開心！o靚模講嘢，有時令人丈八金剛摸不着頭腦，那有甚麼關係？許多教授、學者的論文，不是一樣將啲簡單嘅道理複雜化，又「解構」又「符號」又「後現代」，搞到你反胃？

有道是，流行文化的興衰，始終和世人的趣味相關。二百多年前的暢銷小說《紅樓夢》，今天讀來卻成了高雅之事；某武俠名家著作，原是報紙通俗小說的連載，因雅俗共賞，更有學術界殿堂級人馬的吹噓，於是便成了嚴肅文學與通俗小說之爭！如今o靚模進身大學的講座，我們再看她噴血的寫真與纖體的比堅尼廣告，是否就看出學術味？是否色情淡出，情色淡入？

還是福柯直接：現代社會是性論述氾濫的社會，是比歷史上任何社會都更加注重性的社會。性成為解釋一切事物的關鍵。教授明知講的是o靚模現象，其產品符號明明與性有密切關係，一開始卻以《西廂記》的色情典故入題，未免太「隔」！畢竟o靚模販賣的是比堅尼而不是紅肚兜，若然李翰祥翻生，來個風月寶鑑之《紅樓新夢》，則「拂牆花影動，疑是o靚模來」可以切入矣！