尋日黑英去教育學院演講，一上台就話講棟篤笑，仲有好多有趣嘅見聞同故事。佢唔止爆自己教過一年書，話嗰一年係佢一生人最開心嘅日子，仲爆埋啲高官其實唔知氣候變化嘅嚴重性。黑英講到氣候變化令二氧化碳增加，從而令溫度上升，但竟然有個高官同佢講，「咁咪好囉，唔使咁凍！」黑英話過去三十年，大氣嘅二氧化碳濃度急升，過去要用二百年才錄得同等升幅。連同學仔聽完都明白問題有幾嚴重，反而啲高官反應認真膚淺。

有觀眾話黑英係前高官，會唔會同高官、有錢人講氣候問題有幾嚴重？黑英就好直接咁話「我性格唔會」，佢話自己唔係高官、只係低官，好坦白話知道政府有人唔鍾意佢，佢叫大家一齊努力，多講多做，返轉頭去影響政府。