立法會議員陳淑莊（Tanya）嘅旅遊經歷相當豐富，但偏偏祖國北京就未去過，所以佢下定決心喺今個暑假上北京走一趟，進行密集式國情教育。佢先後參觀各個重點名勝，包括故宮、萬里長城、天安門、水立方、鳥巢及國家大劇院等，尤其係到訪水立方和鳥巢兩個新景點，場地壯觀到令Tanya好似大鄉里出城咁叫到嘩嘩聲。
身在北京嘅Tanya話，今次旅程只係孤身上路，眼前嘅北京，與佢印象中差不多，但去到鳥巢及水立方現場參觀，宏偉壯觀得超乎佢想像，而踏足長城時，又令她想起「不到長城非好漢」呢句名言。旅程期間，Tanya到國家大劇院欣賞文藝表演，但竟然有意外收穫，畀佢近距離見到前國家領導人。
Tanya慨嘆話，北京要睇嘅嘢好多，但時間有限，玩到明日就要返港嘞！雖然Tanya只係粗略咁認識北京，但總算去過北京，在下月三十八歲生日前完成咗一件心事，都算係咁啦！