文氏夫婦輪候公屋多年，兩年前獲編配石硤尾邨一個小型單位，與兒子共組三口安樂窩。當時為善用空間，文太決定為新居訂造全屋傢私，「為咗慳位，間屋所有櫃同床都係入牆，總共用咗成幾萬蚊！」
「拆咗又好嘥」
去年文家再添新成員，以擠迫戶身份要求調遷至較大單位，並且在今年六月獲安排遷居。有見現居單位家具仍非常新淨，文太擬留待新租戶使用，「特別係個廚櫃，要再造過就好貴，拆咗又好嘥，諗住留番畀下手（租戶）！」可惜最終還是過不了房署官僚的一關。
「房署（職員）話所有單位交番出嚟之前都要還原，要『吉』屋一間，我唔係想慳拆裝修嘅錢，只係唔想嘥嘢，依家經濟咁差，點解唔可以由個新租戶揀要定唔要？」文太不滿政府部門講一套做一套，邊呼籲市民環保卻邊帶頭浪費。
幾經向房署爭取不果，文太遂將屋內有用物資分贈街坊，但有不少仍要運往堆填區，「我真係唔想嘥，既然街坊又有用，無謂製造咁多垃圾！」
房屋委員會前委員王坤指出，房署在八十年代會因應需要，容許遷出租戶留下有用物資，「以前房署會做中介人，容許新舊租戶私下協調，留番單位入面有用嘅裝修，好似地板同瓷磚咁用得唔好嘥！」但自九十年代開始，房署已鮮有主動協調，未能切合居民需要，「房署只諗到邊個方法最方便，冇諗過社會整體需要！」
處事一成不變
「房署為方便收樓，一律要住戶還原單位，新租戶又要再嘥錢整番，咁即係製造垃圾！」立法會房屋事務委員會主席王國興指摘房屋署處事一成不變，未有考慮實際情況，促房署檢討現有措施，以貼合居民及環保需要。
房署發言人稱，住戶對室內舊設施的需要、喜好及接受程度未盡相同，而租約亦有規定，租戶終結租約時須還原固定裝置與設備，惟在個別情況下，房署亦會容許遷出租戶將符合安全規定的裝置留予準租戶使用。
交還單位須回復原狀
根據房屋署與租客所訂租約條款，所有退租或遷出租戶在交還單位時，須騰空及還原所有固定裝置與設備。租戶可自行恢復原狀，或由房署拆卸或還原，工程完成後再由租戶支付費用。
記者：梁少儀