本文重點
行政會議成員查史美倫在○一年攞完銀紫荊星章後，八年後今日再獲頒金紫荊星章，對佢嘅公共及社會服務貢獻進一步肯定。查太尋日朝早出席完升旗儀式及酒會後，下午隨即同丈夫查懋成一齊入沙田馬場湊熱鬧。卓妮突擊訪問查懋成點同太太慶祝授勳？點知佢話仲未諗好，事關尋日朝早先至知道呢個消息。唔通查太想畀丈夫一個意外驚喜？
暑假留港湊孫
查太就解釋，話早幾日才獲通知授勳一事，因為工作太忙，一直未有時間告知丈夫。睇住太太有個特區勳章榮譽，查懋成都唔輸蝕，尋日心口掛住一個馬牌外，仲掛住一個獨一無二嘅圓形襟章，睇真啲原來係佢十五個月大乖孫幅相，乖孫樣子肥嘟嘟相當可愛，查生同查太兩個一提起乖孫就笑到見牙唔見眼，仲話呢個暑假邊度都唔去，疊埋心水同乖孫玩喎！
卓妮