舒適戰場
理論上，女人同男人一樣對性愛有需要，但點解有女性會拒絕伴侶嘅求歡呢？靚女小小笑道：「會唔會係你嘅老友佢太過急色，不論喺任何情況下，只要有生理需要，都會要求跟女友曳曳呀？」又係喎，小記個老友好色非常，經常提出性需要亦唔出奇。
小小聞言便道：「如果係咁嘅話，係女人都會拒絕佢嘅求歡啦！事關絕大部分嘅女人，都希望每次性愛都係完美，但男友們經常唔係咁諗，因為佢哋需要嘅只係生理上嘅發洩，只要讓慾火得以爆發，唔理地方是否合適或舒適，都希望能夠即刻開戰。呢種人嘅最大特色，就係經常提議到時鐘酒店開房，或喺車廂度亂嚟。遇到呢種咁冇情趣嘅男人，係女人都會拒絕佢嘅求歡啦！」
毫無交流
唔怪之得老友經常撞板，原來係因為佢唔尊重女性嘅感覺。話說回來，唔知仲有邊啲原因，會令女性拒絕男友求歡呢？坐喺小小隔籬嘅另一位靚女楠楠就話：「對我嚟講，嗰啲同我毫無交流嘅男士，我一定唔會畀第二次機會佢。縱使佢對我嘅態度如何殷勤，我都唔會答應佢！」
不過好多男士，上到床後都只會埋頭苦幹，何況喺激戰途中，講嘢只會分散精神，容易令性愛質素下降喎！楠楠搖頭道：「呢啲只係男士們嘅誤解而已。所謂溝通，並非叫佢喺床上邊做邊同我談天說地，而係指佢喺事前應該先同我溝通一下，培養感情後再作戰，事後則會同我閒談一番。唔好以為呢個過程多餘，查實對講求心靈至上嘅女性嚟講，呢種做法反而可以讓我哋達到靈慾一致嘅境界。如果男友做到呢點嘅話，我又點捨得拒絕佢呢？」
拒絕污糟
不過講到最讓兩位靚女討厭嘅，除咗上述兩點外，佢哋不約而同咁認為係污糟而唔講衞生嘅男士。小小皺眉道：「女人喺性愛前，都鍾意沖個靚涼，然後再嚟曳曳，否則當我哋喺度激戰嘅時候，男友突然聞到我哋身上嘅異味時，則會大煞風景。不過有啲男士卻恰好相反，要求女友要清潔乾淨之餘，但自己卻唔講衞生，未曾清潔妥當，就已經躍躍欲試，搞到我哋乜嘢性趣都冇晒！」
楠楠點頭道：「就以我前男友為例，由於佢從事體力勞動關係，故此身上經常有陣汗味。佢又精力旺盛，經常向我求歡，但事前又唔鍾意沖涼。當我聞到佢身上陣汗味時，便會向佢投訴，點知佢話呢種係男人味，試問我點可能接受到呢？是以我到最後便飛咗佢！」大家依家明白，點解女友會拒絕你嘅求歡啦？
楠楠小檔案
年齡：21
身高：5呎1吋
三圍：34、23、34
強項：情慾綿綿
小小小檔案
年齡：21
身高：5呎3吋
三圍：35、24、35
強項：車底吹奏
撰文：阿豪
攝影：強