本文重點
【本報訊】中五畢業的陳振聰，自稱龔如心生前一直表明要將所有事業交給他打理，除邀請陳加入華懋外，更要求他出任華懋主席，但他自認無能力及達不到龔的目標。龔如心認為他做過不夠好，龔多次叫他辦事，但他總是做不好，陳振聰承認龔如心「成日話我懶」。
陳振聰昨供稱，龔如心早於九四年便讓他加入華懋於內地一公司任董事，直至○○年，由於龔要打民事官司，龔才提議「不如我哋一齊離開，唔係畀人發現就唔好」，惟陳建議龔仍任該公司董事，否則難以監管。
陳不諱言：自己冇資格
陳振聰指○五年龔如心首次要求他擔任華懋主席，讓她可以專心治病，但他因擔心力有不逮而婉拒，又指龔如心的下屬一直做得好，故陳振聰認為「不如日日陪住佢（龔）仲好」。陳稱，「佢（龔如心）成日話我唔去學」，「叫我學下李嘉誠」，當時他回應「點學吖」。
駱應淦質疑陳振聰憑甚麼能力和資格加入華懋董事局，陳不諱言：「我冇資格，我諗佢係鍾意我」。
另外，陳又承認在○七年曾向龔因心發過一SMS，內容指「當然如果需要到法庭也無話可說」，陳解釋當時因一直無收到華懋回應，而且感到對方有敵意。