有人問怪醫：「行到咁埋，唔驚傳染畀娥姐呀？」怪醫就話自己好番晒，無咳無鼻水。問佢最後係咪仲堅持唔睇醫生，怪醫笑稱：「我望住塊鏡睇自己咪得囉，飲多啲水就自然好番啦！」

怪醫捉住娥姐密斟，主要關注早前發展局建議嘅四幅私家醫院用地選址問題，怪醫話黃竹坑、將軍澳及大埔三個選址比較遠，睇吓仲有無得斟酌，當然娥姐亦有回應啦，但怪醫就無透露詳細內容，只係話大家多咗溝通喎。