近百名車禍中死者家屬及傷者昨到庭旁聽，得知判刑後均表不滿，當中包括阿誠，他直言：「我啲傷就一世係咁，完全彌補唔到，事發同新例只係差六十幾日，就唔可以判佢重啲，真係唔公平！」阿誠原本愛打排球又喜歡攝影，還打算會考後繼續升學，畢業後加入政府工作，但這場車禍令他前途盡毀，今年重考成績已不消提：「有時我連尋日做過乜都唔記得！」

當日他與母親坐在近車門第一排位置，撞上隔音屏時他首當其衝；他右腦受創，接受過兩次開腦手術，但因視覺神經受損，右眼從此只見到一片黑暗：「我因為單靠左眼，視力太集中，依家散光加深，我仲覺得睇嘢愈來愈矇。……我冇咗隻眼，咩前途都無晒！」

行街耷低頭 唔敢望人

「我依家無得打波，因連個波嘅落點都睇唔到」，至於攝影興趣，「我以前鍾意影人亦鍾意畀人影，但因為我牙骹移位，右邊面腫起嚟，個樣都唔知想點，我依家無晒自信，行街只會耷低頭，唔敢望人」。他在車禍中失去姊姊，媽媽腦部受創，現仍需接受治療，更出現精神問題，變得脾氣暴躁。原本有姊姊及父親工作支撐家庭，現時重擔便落在父親一人身上。

香港神慈秀明會義務公關張凱儀透露，另有兩女傷者車禍後半身不遂，而所有死傷者均向被告民事索償，希望有關部門加快處理死者的死亡證，讓其家人領取保險金。

■記者陳佩詩