一部棄置電單車，有如垃圾般遭丟棄於大埔元洲仔里，三年來一直未有部門清理。居於附近的李先生對政府部門的處理手法深表質疑，「架車都擺到生晒銹，瞓喺地幾年都冇人理，萬一仲有電油，一漏就好易着火，搞到有人受傷就乜都遲啦！」就現場所見，電單車的行車證已於二○○六年五月到期，顯示電單車遭擱在路旁足足有三年之久。
大埔區議員余智榮不滿官地上出現「大舊廢鐵」仍未獲處理，質疑地政總署未有「做好自己份工」，「佢（地政）想做嗰啲，或者要交差畀人睇咪即刻做囉，唔想做嗰啲就一味拖。」
地政總署發言人指出，該署已取得車主資料，並已在電單車張貼告示，飭令有關人士於今年三月底前將車輛移走；由於限期過後情況仍未改善，故已知會有關部門移走車輛。