本文重點
改善措施建不得其法將成擾民之舉。布袋澳一村屋自斜坡加固工程後，每逢天雨受水浸困擾，村民要求民政事務總署在屋後建排水渠，最終排水渠卻建於屋旁，改善工程做完等於無做。民政事務總署堅稱有關工程經詳細考慮，但專家卻指屋後建渠方為上策。立法會議員批評民政事務總署判斷出錯，未能解決問題兼浪費公帑。
居於布袋澳村的凡叔，數十年來靠小石屋遮風擋雨，生活平靜，但去年屋後斜坡進行加固工程後即受水浸問題困擾，「個斜坡加咗石屎係安全咗，但以前啲（雨）水會分散流，依家就直接沖落嚟，仲喺牆腳滲晒入屋。」凡叔向西貢民政事務處反映情況，要求在屋後建排水渠以作疏導。
白搞一場 無助疏導雨水
今年二月中，西貢民政處派員視察，並在屋後畫上標記，凡叔當時以為民政處會按要求在屋後加建去水渠，惜事與願違，「如果喺石屋同斜坡中間整條水渠，斜坡流落嚟啲雨就可以直落水渠，再駁出海。」然而，新排水渠建成卻位於屋旁，無助疏導雨水的同時，亦令水浸持續。
「真係唔起好過起，就算佢哋（民政處）有專家，都應該聽吓用家意見啩，講到明屋後面滲水，但佢哋偏偏唔聽，係都要整喺側邊，依家整完都冇用，簡直就係揼錢落鹹水海！」凡叔不滿政府工程引發水浸問題，大興土木後仍未解決。
議員斥判斷出錯促補鑊
香港專業教育學院（青衣）建造工程系署理首席講師黃漢平指出，因應凡叔的個案，以去水功能而言，在屋後建渠方為上策，「應該喺屋後直接引水去屋旁邊排水，最好係U形咁圍住間屋，如果淨係喺側邊起，就未必解決到問題。」黃又建議，如水浸問題持續，可於屋後造一道簡單淺渠作疏導，「臨時頂住先」。
立法會民政事務委員會委員陳克勤直指民政事務總署判斷出錯，認為須盡快協助凡叔解決眼前困局，「公帑已經用咗，嘥錢都唔緊要，但都要知錯能改，最擔心就係佢驚畀人鬧做錯嘢，索性死撐唔改。」陳促當局須錯誤中學習，重新審視工程，以可行方法協助村民擺脫水浸困擾。
民政事務總署發言人否認改善工程未能有效疏水之說，並強調該署工程組已因應視察結果及詳細考慮，認為於現址建造之排水渠可協助疏導雨水。發言人又說，屋後標記只屬參考點，乃工程常用方法，與原定工程並無牴觸。至於未有在屋後興建排水渠的原因，發言人則未有解釋。
記者 李世華