本文重點
【本報訊】梁錦濠由九一年元旦首次見到陳振聰，再介紹陳幫龔如心作法尋夫。十八年後，在法庭爆發陳振聰與華懋爭奪龔如心遺產大戰。當年梁與陳振聰夫婦及龔如心老友鬼鬼，斷料不到發生如今的局面。他說不會對故友龔如心感到愧疚，「我只係介紹人，都係一心想陳振聰幫佢搵番老公」。
讚譚妙清係好太太
梁錦濠昨日憶述舊事，不禁感嘆：「我都唔知點解件事發展到咁，嗰時一個新婚（指陳振聰）、老婆（譚妙清）咁好，一個（指龔如心）咁掛住老公，兩個人（龔陳）會走埋一齊發生咩事？我真係覺得匪夷所思！」
梁錦濠在庭外憶述他和陳振聰夫婦和龔如心的交往，梁稱當年因和陳振聰老友，陳有時亦會帶妻子譚妙清一起出來吃飯、游船河，當年在梁錦濠眼中，譚妙清是賢妻良母型，「佢（譚妙清）係好好嘅太太，平日都係Tony講晒，佢淨係響旁邊負責斟茶遞水。」
回想當年，再看現在，梁被問到龔陳相識後，現在爆出兩人有戀情，又爆發爭產案，會否對龔如心感到內疚，梁稱：「唔知會搞成咁，我只係介紹人，我都係見到王太咁掛住個老公，先介紹個人幫吓佢。」他認為龔如心一直努力尋找丈夫王德輝，「佢個心應該唔會容納另外一個男人！」。
梁錦濠昨在庭外又自爆，○七年龔如心過身不久，他已聽人說陳振聰會出來爭產。