長康邨樓齡已有三十年，全邨一萬二千多名居民中，長者約佔一成半。年逾六旬的邱伯八年前大病一場後便不良於行，需依靠輪椅出入，因前往巴士總站的通道設有梯級而寸步難行，「行得走得嗰陣，行幾級樓梯梗係冇問題啦，依家就上一級都難！」邱伯指過去前往巴士總站只需十分鐘路程，但現時需由妻子協助，取道邨外行人路前往巴士總站，每次需花上近半句鐘。
「淨係叫人申請調遷」
「我哋曾經做過葵青區嘅無障礙設施調查，發覺長康邨嘅設施真係麻麻，但係房署一味話做唔到，都冇辦法！」在區內提供長者服務的路德會長青群康中心社工盧民漢指出，區內共有五間服務長者及傷殘人士的志願機構，對無障礙設施需求甚殷，惜未獲部門配合。
當區區議員徐曉杰指過去六年已多次去信要求房署在上述通道設置無障礙設施，均被一一拒絕，「房署唔係話條樓梯太斜做唔到，就話唔夠空間，淨係識叫人申請調遷或者用其他交通工具，好明顯係房署冇心做！」徐坦言對房署極為失望。
不過，當記者向房屋署查問事件之後，房署竟旋即張貼通告，指長康邨早已購置「電動爬樓梯機」供有需要住戶使用。但是記者陪同邱伯致電管理公司要求借用的時候，接線職員竟以不同理由推搪，「部機淨係畀長青邨居民用，拎過嚟好麻煩，仲要人幫手推先用到，我哋呢度多數人未接受過訓練，唔知點用部機。」
未能啟動搞足一粒鐘
數日後，區議員與一名傷殘人士再嘗試向管理公司借用電動爬樓梯機，結果苦候半句鐘，七名職員才以手推車將樓梯機運至，惟研究多時仍未能啟動樓梯機，經眾人雞手鴨腳地多番嘗試，半小時後終成功協助傷殘人士登上樓梯，整個過程花上足足一小時，在場人士無不啼笑皆非。
無障礙設施關注組發言人梁球指出，房署建議輪椅使用者申請調遷或使用交通工具的做法，難達共融效果，「呢啲建議好難令人接受，房署真係冇sense（智慧）！」梁認為在樓梯旁加設扶手電梯才是長遠解決之計。
對被指漠視殘疾人士需要一事，房署發言人未有正面回應，只稱上址空間有限、天橋須另作鞏固工程以及天橋兩側屬結構牆等理由，致未能興建無障礙通道。
記者 梅可茵