簡太為何文田邨停車場月租車位用戶，三月二十四日下午約五時，將七人車泊回停車場車位，但在翌日下午二時許取車時，發現座駕車門玻璃被毀，車身亦有被撬痕迹，車內音響則不翼而飛，估計損失近一萬元。簡太立即通知停車場保安及報警，「聽啲警員講，話閉路電視睇到單嘢（爆竊）喺中午十二點幾發生，即係架車一早就畀人爆咗。」
「話係意外 未必可索償」
對停車場職員事發近兩小時仍懵然不知，簡太甚為氣憤，「唔單止偷嘢冇人知，仲要我通知先有人嚟睇，點解會冇人睇住（閉路電視）、冇人巡（邏）？」簡太向管理公司追究責任及要求賠償，卻未獲處理，「佢哋話損失要超過萬五蚊至可以交畀保險（公司），又話呢啲係意外，未必可以索償，咁同泊喺街邊有乜分別？」
無獨有偶，黃小姐於四月初將座駕停泊於沙田沙角邨停車場時租車位，個多小時後發現座駕遭爆竊，音響被盜，「打爛玻璃有聲，架車嘅防盜又會響，點解冇人聽到？啲保安去晒邊？」黃小姐曾與車場交涉，但領匯只表示會交由警方及管理公司處理，「架車喺佢（領匯）個停車場失竊，居然好似唔關佢事咁！」
根據警方提供的數字顯示，過去三年涉及停車場的車輛盜竊案共有四千六百多宗，其中四宗便發生在何文田邨內的停車場；至於沙角邨停車場，本報於○六年底亦曾接獲兩部汽車在該停車場連環被偷事件，反映領匯停車場保安問題至今未有改善。
「判咗出去就乜都卸晒」
對於領匯停車場接連出現保安不設防，領匯監察主席陶君行直言「不可接受」，要求領匯批出外判合約時須留意投標公司可提供之人手編制及管理質素，而非只着眼價低者得。領匯監察另一發言人陳寶瑩則不滿領匯不負責任，「好明顯係人手有問題，唔係點會爆完車都冇人知，領匯有責任監管，唔係判咗出去就乜都卸晒！」
就旗下停車場的保安漏洞、爆竊個案等問題，領匯發言人均未有回應，只表示已將個案轉交相關停車場管理公司處理。而兩個停車場的管理公司則只重申停車場設有閉路電視及有職員巡邏，並以案件及賠償問題已分別交由警方及保險公司跟進為由，拒絕透露職員未有發現爆竊案之原因。
■記者莫麗珊、李世華