政情：林健鋒拆《文匯報》招牌

《文匯報》早前大篇幅高調報道，指中聯辦副主任黎桂康喺北京同港區政協委員進行聯組討論時，透露中聯辦已同特區政府達成十點協議，以加強港區政協喺特區管治嘅角色，結果引發一場小風波，畀泛民咬住唔放。不過，立法會政制事務委員會尋日討論有關風波時，多名有份參與呢次會議嘅港區政協，都否認黎桂康講過啲咁嘅內容。其中「3L」嘅林健鋒，更不點名怒斥《文匯報》作嘢作到離晒譜，搞到中聯辦同特區政府周身唔得閒。