復活節假期眨吓眼就完結，高官們充完電後已經歸位。最近幾乎每次放長假都遇着泰國出事嘅保安局局長李少光，今次施展一招「分身術」，一邊偷閒去潮州打波，一邊遙控大本營，
實泰國最新局勢。光哥今次過足波癮，由潮州打到落深圳，仲寓娛樂於工作，打波之餘做埋考察，大家可知光哥嘅波友係邊個？咪就係一向嘅鐵腳兼前商務及經濟發展局局長馬時亨、廉政專員湯顯明同深圳東海花園老細黃楚標等好友囉。
實泰國最新局勢。光哥今次過足波癮，由潮州打到落深圳，仲寓娛樂於工作，打波之餘做埋考察，大家可知光哥嘅波友係邊個？咪就係一向嘅鐵腳兼前商務及經濟發展局局長馬時亨、廉政專員湯顯明同深圳東海花園老細黃楚標等好友囉。
發旅警左右為難
光哥周一打完波返港，周三（十五日）又同湯顯明現身香港會，同前上司共進午膳。講起泰國局勢已平息，佢抖啖大氣話希望天下太平，但始終唔敢鬆懈，又話發旅遊警告要校啱時間，發得太早會打爛旅行社飯碗，發得太遲又畀市民鬧，左右做人難。不過，正所謂「吊頸都要抖吓氣」，百忙中，光哥都喺復活節去潮州鬆一鬆。
今次踩住鋼線去潮州打波，皆因波友好齊腳，除咗經常一齊打波嘅肥亨、湯顯明同黃楚標外，仲有香港貿易發展局主席蘇澤光和中央駐港官員，其中黃楚標更係潮州「地頭蟲」，佢二哥喺汕頭有間帝濠酒店，住宿冇煩惱，一行人揀咗去中信汕頭高爾夫俱樂部打波，個場嘅賣點係中國首個完全採用美國原產老鷹草作為果嶺草嘅十八洞球場，擊球感覺零舍唔同喎。
偕肥亨考察汕頭
打完波攰攰哋，眾人拉隊去擦當地出名嘅響螺扒，仲有地道潮州美食如滷水鵝肝、鵝翼、薑薯糖水等。光哥此行唔係得個玩字，逗留潮州兩日期間，佢以香港考察團副團長身份，聯同肥亨、湯顯明、蘇澤光等人與市委書記黃志光，了解吓汕頭最新發展，當地嘅《汕頭晚報》仲有報道添。
汕頭打完波未過足癮，一行人繼而轉場去深圳雲海谷高爾夫球會大戰第二回，聽聞隊友本來屬意去東莞打波，但擔心泰國隨時爆大鑊，為方便光哥，最後揀咗去深圳，話晒返香港都係粒幾鐘，救火都嚟得切。據聞3L嘅林健鋒（Jeffrey）本來應承咗去，後來自己去咗順德歎河鮮兼打波，最後一日至加入大隊，總算有個交代。
卓妮