第1位：床上大爺
現於澳門利×夜總會工作嘅小若，自從懂性開始，曾與形形色色嘅男士交手，可謂經驗十足，而為咗更了解男人嘅心態，睇吓佢哋對性有乜要求以便去滿足佢哋，所以呢個索女就聯同姊妹莉莉做咗個調查，唔知得出乜嘢結果呢？
小若以專家口脗咁話：「根據調查，原來好多男人都有一個好騎呢嘅諗法，就係一世人點都要出去玩一次，可能因為受到電影或者電視影響，佢哋覺得去玩嗰陣，就好似做咗大爺咁，可以由啲美女氹自己開心，甚至喺交戰時，全程攤喺床上面，讓美女盡情發揮。講真句，男人有呢種心態真係好正常，事關家陣事事講求男女平等，就連做愛都一樣，好多女仔可以盡心盡力咁服侍男伴，但同時亦要求對方以相同方式去對待自己，若然男方只顧自己去享受，就會覺得唔高興，甚至以『罷工』方式去制裁男伴。由於任勞任怨嘅女仔愈嚟愈少，所謂物以罕為貴，男人對呢類床上對手自然更渴求。」咁又係呀！試問邊個男人唔想喺床上做大爺？就連小若都承認自己未必可以接受呢種性愛方式。
第2位：玩一夜情
男人最想體驗嘅第二樣嘢，就係一夜情。另一位索女莉莉就話：「好多男人都想試吓玩一夜情嘅滋味，因為佢哋覺得一個男人有冇魅力、吸引力，最直接就係靠一夜情呢樣玩意表現出嚟。雖然一夜情對比較保守嘅人嚟講，係不負責任嘅事，但對自命風流、嚮往自由嘅男人嚟講，就完全唔同喇！佢哋會認為係你情我願，如果你有本事，喺條街度搵一個三唔識七嘅女仔都得！講到尾，佢哋最關注，就係自己嘅溝女戰鬥力！」
莉莉又話，雖然佢覺得同陌生人上床係非常刺激嘅一回事，但係呢味嘢風險太高，唔係每個人都玩得起，事關呢啲一夜情人通常喺事後就會消失得無影無蹤，唔小心中招都冇得搵人執手尾，最怕就係對呢個陌生人產生感情，搞到心掛掛，到時就認真大件事。
第3位：野外作戰
第三位就係打野戰，小若話：「有啲男人會認為打野戰係膽量嘅表現，打野戰喎！唔驚畀人睇到咩，少啲膽量都唔得。亦有部分男士認為打野戰夠刺激，所以一生人點都要試一次。不過，我可以話畀大家知，大部分女仔都唔鍾意呢種玩法，一來喺陌生嘅環境下作賽，點都會有種不自在嘅感覺；二來擔心畀人發現，甚至因此而惹上官非。當然，男人性急起嚟，唔會理得咁多，就算身處於環境惡劣嘅地方，一樣照玩可也，好似我一個男友咁，有晚我哋去咗公園談心，傾傾吓佢突然想曳曳，於是帶咗我去一個鄰近公廁嘅暗角，奇怪在佢唔覺得啲臭氣難頂之餘，仲不斷催促我快啲，好明顯佢只係為咗解決自己嘅生理需要，完全冇諗過我嘅感受，所以嗰晚之後，我就同佢分手，免得再有同類事件發生。」就連思想開放又大方嘅小若都唔可以接受呢種玩法，大家有機會遇到佢嘅話，千祈唔好亂咁提議去打野戰喇！
莉莉
年齡：19歲
三圍：33、23、34
興趣：唱K
小若
年齡：21歲
三圍：35、25、35
興趣：睇電視
撰文：娟娟
攝影：強