Pixar陪你過聖誕！「反」轉商場打卡熱點
聖誕節就快到，各大商場已開始換成聖誕布置來吸引人流，小記當然第一時間出動同大家搜羅必到的打卡熱點！適逢迪士尼與彼思《反斗奇兵》系列踏入25周年，一眾Pixar人氣角色齊齊來到上水廣場及天晉滙，化身成多個打卡主題場景，無論是一家大細或是情侶閨蜜，定能歡度最「反」斗的夢幻聖誕！
打卡熱點1：上水廣場「玩轉」主題場景
今個聖誕Landmark North上水廣場以《反斗奇兵》及《玩轉腦朋友》為主題，打造出6大主題場景。當中高逾5.5米的炫亮聖誕樹肯定是焦點所在，它以逾35個反斗角色的巨型波波砌成，各位與胡迪、巴斯光年等老友影相之後，可到「Inside Out情感隧道」打卡，這個以《玩轉腦朋友》為主題的場景，會隨大家心情而改變顏色。小記推介三眼仔粉絲來到2.5米高的巨型波波三眼仔扭蛋機，打卡之餘還可於扭蛋機專區收集心愛角色的迷你精品；商場不同樓層更設有多個打卡裝置，定能讓各位的「反斗」回憶返晒嚟！
打卡熱點2：天晉滙 超能家族撐場
一眾反斗角色更聯同超能家族齊集PopWalk天晉滙！當中戶外露天長廊設有全港首個《反斗奇兵》及《超人特工隊》主題剪影聖誕燈飾布置，於晚上展現璀璨光芒，為聖誕增添浪漫氣氛。至於一期中庭則有薯蛋頭先生、火腿、抱抱龍等趣怪現身，粉絲可走進玩具箱中扮演玩具打卡；之後可到三期中庭會合牧羊女寶貝、小叉等大玩逃出遊樂場這經典一幕。此外，《超人特工隊》將齊集二期中庭，超能先生、彈弓女與三位仔女已擺好甫士等各位一齊出動，絕對是聖誕打卡好去處。
活動詳情
日期：即日起至2021年1月3日
地點：Landmark North上水廣場、PopWalk天晉滙