《NBA 2K21》打機進化向曼巴致敬

高佬控衞 球星動作

波特蘭拓荒者球星Damian Lillard是《NBA 2K21》標準版的封面人物，作為忠實玩家的他，開發遊戲時已提出大量意見，其中一個是希望在MyCareer模式創造更高大的控球後衞。廠方亦從善如流，今集控衞的身高上限提升至6呎8吋，令大家可製作出如Luka Doncic般的高大後衞。

此外，每集《NBA 2K》都會加入球星招牌動作，今集更可把球星的防守動作加到原創球員身上，包括剛奪得最佳防守球員的「字母哥」Antetokounmpo、「大帝」LeBron James等。花式運球則新增James Harden的繞腿運球、Kevin Durant招牌交叉遲疑步等，總共有36種花式動作供選擇。

粉絲可任用8號及24號兩個時期的Kobe Bryant。	設有「全能版」球隊，一支球隊包含歷代球星，Magic Johnson可聯同O’Neal大戰Larry Bird。	追加大量球星的防守動作，包括「字母哥」Antetokounmpo和「可愛」Kawhi Leonard等。
球星Damian Lillard不但是今集封面人物，還為遊戲提出大量建議。	利用專家搖桿投籃時，計量條會轉為「瞄準系統」，可做出高難度投籃。	今集控衞可設定至6呎8吋咁高，高佬控衞不再是夢。
徽章系統經過微調，移走了「快槍手」，重新加回「出手速度」。	玩家可透過《My NBA 2k21》手機App，將自己面容Scan入遊戲，並且賺取VC（Virtual Currency）虛擬貨幣。	籃球女神琳琳︰「我最鍾意勇士隊，創作球員時我會練個進攻型射手出來，因為我自己打波時都係身兼射手，目標係整一個高版咖喱仔（Stephen Curry）！」

專家搖桿 操控革新

操控方面，今集專家搖桿迎來大革新，除一如過往可用作跳投外，推往不同方向還能做出後撤運球、花式運球或一對一快速運球，動作反應和銜接性更高。另一改動是投籃從「時機計量條」轉為「瞄準系統」，瞄準區的大小依照球員的能力、投籃範圍及爭奪情況而變化，熟習後便能做出高難度投籃動作。還減低了長距離傳波的出界機會，並增加中鋒在禁區的防守力量，令遊戲變得更像真。

「季後賽」睇波有計

League Pass 二人齊齊睇

NBA季後賽打得如火如荼，球迷想打機之餘睇埋直播。不少人會訂閱官方League Pass服務，於網頁或手機平板裝置透過《NBA》App觀看賽事，更支援點播重溫或離線觀看。League Pass服務分為普通版及Premium版，後者可以睇埋經典賽事，並支援兩個裝置同時睇波。

電腦手機App 廣東話旁述

本地平台《體通天下》兼容電腦及手機App，而且每場直播都有徐嘉樂、丘雨勤等廣東話旁述。NBA季後賽4個月通行證可以睇晒所有季後賽、東西岸決賽及總決賽，並隨時隨地點播重溫及觀看精華片段。最正係送埋20~21賽季首星期賽事，讓球迷跨季睇好波！

撰文︰陳志滔