「至尊」超狂聯名Fans買到手軟

經過短暫休季，美國人氣街牌Supreme上周終於正式開季，忍手多時的Fans當然第一時間睇晒全季Lookbook諗定入手策略。服飾系列當中最引人注目當然是招牌Box Logo衞衣首次採用一橫一直呈十字架的罕有設計，「孖Box」預咗炒到癲。另外Supreme秋冬季亦分別與比利時經典漫畫《THE SMURFS》「藍精靈」及以「重口味」浮世繪畫風聞名的日本情色藝術畫家Toshio Saeki（佐伯俊男）攜手合作推出多款聯名服飾，兩者風格迥異但同樣具話題性。再加埋其他意想不到的驚喜聯名，粉絲們又係時候課金喇！
「至尊」聯名的魅力連日本前AV女優明日花綺羅都抵擋不了，經常着用上身示人。
「至尊」聯名的魅力連日本前AV女優明日花綺羅都抵擋不了，經常着用上身示人。

聯名單品乜都有　超乎你想像

如前所述，除了着得上身的設計外，Supreme每季精心打造一系列唔等使的擺設及配飾小物亦同樣叫人驚喜萬分。今個秋冬，最震撼的莫過於與ARCADE1UP聯手推出的一座「街機」。座地式設計加上17吋LCD屏幕可以供兩位玩家雙打對戰，內置的格鬥遊戲更加係90s Cult Game《Mortal Kombat》（真人快打）1、2、3集，機身不同位置更加入Supreme字樣以提升用家虛榮感。如果屋企夠大的話，仲可以入手埋今季印滿藥丸圖案嘅Kartell Trix摺疊式梳化床、Anker Nebula Capsule II高清投影機同埋Shure SM58專業人聲咪，疫情當前可以攤喺屋企慢慢唱到夠！

跟原版《Mortal Kombat》ARCADE1UP座地式街機（右）的最大分別是：聯名版（左）不但機身頂部燈箱位置及底部加入「Supreme」字樣，就連機身側邊的遊戲角色都換上Supreme服裝。
  • 跟原版《Mortal Kombat》ARCADE1UP座地式街機（右）的最大分別是：聯名版（左）不但機身頂部燈箱位置及底部加入「Supreme」字樣，就連機身側邊的遊戲角色都換上Supreme服裝。
《娃鬼回魂》Chucky Doll相信係唔少Supreme Fans的入手目標。
  • 《娃鬼回魂》Chucky Doll相信係唔少Supreme Fans的入手目標。
Kartell Trix可以摺疊成梳化或床的形態。
  • Kartell Trix可以摺疊成梳化或床的形態。
有了Anker Nebula Capsule II Projector和Shure SM58 Vocal Microphone，屋企唱K練歌一流。
  • 有了Anker Nebula Capsule II Projector和Shure SM58 Vocal Microphone，屋企唱K練歌一流。
Jacob & Co Time Zone 40mm & 47mm Watches肯定好搶手。
  • Jacob & Co Time Zone 40mm & 47mm Watches肯定好搶手。
Toshio Saeki Work Jacket繡上多幅日本情色藝術家佐伯俊男的畫作，其離經叛道畫風與Supreme一貫的反叛形象脗合。
  • Toshio Saeki Work Jacket繡上多幅日本情色藝術家佐伯俊男的畫作，其離經叛道畫風與Supreme一貫的反叛形象脗合。
Cross Box Logo Hooded Sweatshirt肯定是今季最多人想入手的單品。
  • Cross Box Logo Hooded Sweatshirt肯定是今季最多人想入手的單品。
秋冬季Supreme更與比利時經典漫畫《藍精靈》聯名推出多款褸款。
  • 秋冬季Supreme更與比利時經典漫畫《藍精靈》聯名推出多款褸款。
Supreme近日宣布與歐美彩妝大師Pat McGrath攜手推出唇膏，唔通一直有傳Supreme會進軍美妝界的消息係真？
  • Supreme近日宣布與歐美彩妝大師Pat McGrath攜手推出唇膏，唔通一直有傳Supreme會進軍美妝界的消息係真？

踩入彩妝界冧女粉絲

如果你以為Supreme只係照顧男Fans口味，咁就錯喇！事實上品牌剛剛就聯同歐美彩妝大師Pat McGrath推出奢華唇膏。設計上更是糅合兩牌的DNA，除以Supreme Logo點綴唇膏盒和唇膏殼，更鑲嵌了Pat McGrath的招牌金色嘴唇，加上鮮紅唇色，完全呼應「至尊」的標誌性紅調，相信愛化妝的女粉絲好難唔心動。

御用模特兒Lucien Clarke

1988年於牙買加出生的Lucien Clarke，曾經於紐約短暫生活，其後移居倫敦才真正開始熱衷滑板運動，自此就經常擔任Supreme及Palace Lookbook御用模特兒。Virgil Abloh入主Louis Vuitton擔任男裝系列設計總監後，亦曾邀請這位人氣高企板仔「行騷」。日前他與Virgil Abloh齊齊於社交平台透露勁爆消息，就係Lucien Clarke成為Louis Vuitton旗下首位滑板手，而且其有份參與設計的專屬簽名滑板鞋亦已經面世，仲順住個勢「唔覺意」將Louis Vuitton×Palace聯名系列消息曝光。

Lucien Clarke兩年前亦有為Virgil Abloh主理的Louis Vuitton男裝系列「行騷」。
  • Lucien Clarke兩年前亦有為Virgil Abloh主理的Louis Vuitton男裝系列「行騷」。
他近日亦急不及待將自己有份參與設計的滑板鞋曝光。
  • 他近日亦急不及待將自己有份參與設計的滑板鞋曝光。

撰文：賴文曦

圖片：互聯網