人氣品牌玩聯乘《龍珠》潮物大檢閱

好卡哇咿！跟Baby Milo齊齊扮Cute

《龍珠》跟A BATHING APE於上月底推出咗「BAPE × DRAGON BALL Z」系列，特色係以 Baby Milo嘅Q版風格重新演繹《龍》人氣角色，除咗悟空、比達等基本陣容，這次還加入了孫悟飯、杜拉格斯與反派斯路、菲利、撒旦先生等。商品種類甚多，除咗有衞衣、帽、短袖及長袖Tee外，還有牛仔褸以及手機架、鎖匙扣等配件。當中牛仔褸便將悟空跟悟飯一齊出龜波氣功嘅經典畫面刺繡於外套上，手工精美！所有產品於日本BAPE STORE各分店，及BAPE.COM、ZOZOTOWN等網站發售。

網址：https://bape.com/apps/special/dragonballz

灰色長袖有帽衞衣，有齊悟空、悟飯、比達、斯路、杜拉格斯和Baby Milo，售¥20,000（約HK$1,440）。	Baby Milo、杜拉格斯及菲利短袖Tee，售¥8,000（約HK$576）。	今次系列還有鎖匙扣等配件，售¥2,000（約HK$144）。

回憶滿瀉！勁Sharp橙色G-SHOCK

G-SHOCK與《龍珠》，都係唔少大男孩嘅童年回憶，稍後於8月推出嘅聯乘腕錶GA-110JDB值得粉絲留意。採用具有 3D 立體感嘅經典腕錶GA-110為藍本，並加入眾多《龍》動畫元素，呈現出故事嘅世界觀。例如使用標誌性嘅橙色武道服為主調，錶帶印上悟空訓練和成長嘅圖案，同時也隱約見到Dragon Ball字眼。錶盤及Logo字款使用突出嘅金色，9點鐘位置嘅小錶盤有跟悟空甚有淵源嘅四星球圖案，而3點鐘位置則有一個Z嘜頭，可見處處都是心思設計。

售¥ 26,400 （約HK$1,901）。

網址：https://products.g-shock.jp/_detail/GA-110JDB-1A4

採用具有 3D 立體感嘅經典腕錶 GA-110 為藍本，令漫畫圖案更為突出。	背面刻有Dragon Ball Z嘜頭。	錶帶印上悟空訓練和成長嘅圖案，以及Dragon Ball字眼。

美式風味！洛杉磯超型滑板

《龍珠》嘅魅力並唔局限於亞洲地區，就連美國等地亦大受歡迎，其中以洛杉磯為據點嘅滑板品牌Primitive Skateboarding，最近跟《龍珠超》搞聯乘系列！話說該品牌一向熱衷同日本品牌及動漫搞合作，並喺2018年推出過《龍珠Z》聯乘產品。踏入2020年嘅《龍珠超》系列則包括衣服及雜貨，例如有連帽衫、厚T、長短袖T-Shirt、Cap帽、襪等選擇，各種產品均配上超級撒亞人之神及超級撒亞人藍變化嘅悟空和比達等圖案，亦有黃金菲利及破壞神比魯斯等款式。不過最焦點係多款圖案滑板，設計相當精美。

網址：https://primitiveskate.com/collections/dbs

多款圖案滑板，絕對係今次Primitive Skateboarding嘅聯乘焦點，各售約HK$555。	衣服方面，連帽衫嘅款式最多，有橙、紅、黑、白、藍及紮染色，售約HK$625。	令次聯乘系列亦有唔少雜貨，包括有超級撒亞人藍悟空造型嘅時鐘，售約HK$295。

撰文：張超駿

圖片：互聯網