麻甩抗疫上網買餸簡單煮

高CP餸菜包　幾十款任揀

如果自問怕要花幾個鐘洗洗切切做準備工夫的話，本地社企推出的新鮮餸菜包送遞服務或者啱心水。餸菜包標榜選用本地食材，包括本地飼養的健營豬、嘉美雞等；肉類、海鮮、蔬菜和湯料等有約50至60款選擇，加上會定時更換，食足兩個月都唔會悶，而每個餸菜包平均約$60至$90，CP值相當高。最重要是，網站接到柯打才製作，食材夠新鮮，加上品牌堅持無添加，更有保證。

由於所有餸菜包內食材用料均已預先洗切處理妥當，並附上醬汁等，大家只需跟包裝上步驟製作，平均15至20分鐘即可以煮起一道菜。現時最受歡迎的菜式包括各款蒸肉餅、牛肉卷等快靚正菜式。

（網址：https://cookeasy.tungwahcsd.org）

係咪廿分鐘就煮好？等你開飯呀！（設計對白）	餸菜包的食材全部洗乾淨及切好，打開包裝便可放入廚具烹調。	跟住包裝說明逐步煮，完全無難度。
免洗速煮 水煮牛肉 麻辣又惹味，最適合與冰凍啤酒搭配，大男人至愛。	免洗速煮 香煎蓮藕餅 拆開包裝直接放入鑊內香煎即成，外脆內軟，備受酒徒喜愛。	免洗速煮 泰式青咖喱嘉美雞 被指能殺菌的咖喱，是最近人氣餸菜之一。

懶人和食　加熱即食

咪以為大男人煮唔到日本菜，有專提供日本餸菜包的網上平台最近就特惠推出多款和食料理。由於平台只選用非基因改造食材炮製料理，再以先進技術將已經煮好的菜餚冷凍，並以非化學合成添加劑的方法保鮮，才直送上門，加熱即可食用，超級方便。每包更會列出食材產地、過敏原及成分，質素自然有保證。由於用上先進科技冷凍，既能保持食物鮮味，又能延長保存期。

翻熱即食 汁煮漢堡扒 以牛肉、豬肉和雞肉混合製作，加上濃厚肉汁，送飯一流。	翻熱即食 叮叮唐揚雞腿肉 雞髀肉加薑、蒜和醬油等醃後再炸，入口Juicy。	翻熱即食 日式牛肉丼飯料理包 牛小排配上濃濃醬汁，啖啖肉夠晒飽肚。

菜式選擇方面，有惹味的鯖魚味噌煮、汁煮漢堡扒、唐揚雞腿肉和日式牛肉丼飯等，統統不過數十元，大家只需將食物解凍，之後按指示加熱5至10分鐘即可，吃時可自行配清酒或啤酒等，有禁酒令都無有怕。

（網址：https://tastingtable-japanpremium.hk）

網上餸菜大熱排行榜

近日多了人上網買餸開餐，講到人氣之選，離不開烹調容易及可直接放入鑊或煲蒸煮快熟或啖啖肉之選，亦啱晒男士口味。

第1位：蒸肉餅

第2位：燜雞

第3位：煎豬扒

第4位：湯品

第5位：炒牛肉

燜雞

煎豬扒

網購3大貼士

既然網購漸成生活大勢所趨，買得精明才能將風險降到最低，總結網民網購心得，得出以下3大貼士，齊齊學做精叻消費者。

Tips 1：留意運費

由於每個平台的運費及免費送貨最低消費額各有不同，就算講明免費送貨都有機會設有最低消費，要格外留意有關細節，免得加埋額外收費仲貴過餸菜費用。

Tips 2：貨比3家

簡單而言即格價，由於可以在網上直接瀏覽各大平台的產品及價格，可以自行格價之餘，還可以留意各家的推廣優惠，這時的產品隨時較超市或街市便宜呢！

Tips 3：擬好菜單

各個平台產品多不勝數，不少是新鮮食材，甚至是即日送抵貨色，建議預先計劃好每日甚至每星期菜單，列出所需食材，既可避免選購過多食材，減少浪費，更可以物盡其用。

其他買餸平台選擇

網上農墟

香港首個網上農墟市集，品牌與超過35個農場及進口商直接合作，讓大家以最少時間、最好價錢，選購到新鮮時令又優質的食材，尤其是不少本地食材，包括有機蔬菜。

網址：www.jousun.com/ch/aisles/fresh-vegetables/categories/organic-vegetables

活口海鮮

網購海鮮也有不少好選擇，如這間供應上等新鮮活海鮮及冰鮮海鮮食材送遞，包括波士頓龍蝦、原隻長腳蟹、皇帝蟹、澳洲龍蝦、活鮑魚等，幾時想食落個柯打即可。

網址：https://bit.ly/2UVcaxU

優質肉食

大男人對肉類需求大，而靚肉更是追求優質生活與健康不可缺少一環，而這間專門供應優質肉，豬肉、牛肉等，更會提供選購肉類的技巧、食譜推介及肉類資訊等，為各位猛男提供更全面的資訊。

網址：https://goodmeathk.com/

圖一

雪耳鮮椰子煲嘉美雞鮮瘦肉湯

汆水後放入所有材料煲約2小時便成，湯鮮香甜美，誰說麻甩佬唔識煲湯呢！

京葱蘆筍牛肉卷

牛肉捲住兩款蔬菜，只需放入鑊煎熟加醬汁即成，做法非常簡單，卻惹味好佐酒。

黑松露冬菇馬蹄蒸肉餅

大熱餸菜之一，選用本地健營豬製作，沒有額外加粉及添加物，入口肉質鮮嫩且帶松露香。

撰文：林佩婷

攝影：方偉堅