電視餸飯！團年煲劇人氣熱選

團年過節總唔少得一家人食番餐飯，飯前飯後最佳娛樂莫過於睇賀歲片應節，若有親戚朋友來拜年更可招呼賓客。就等小記推介分別來自中國、日本及韓國的新一代4K HDR電視給大家，無獨有偶，三機都支援Wi-Fi串流睇片，直接連上Netflix煲新劇就最適合不過。

國產親民價語音操作

串流睇片愈趨流行，國產Hisense新推出的U7A（1000）系列亦加入Wi-Fi功能，可配合Android P平台下載心水程式，而《Netflix》、《YouTube》等睇片Apps更預載至電視介面中。遙控器亦設有Netflix及YouTube掣，一按即可進入相關介面睇片。用家另可透過USB接駁外置硬碟，直讀影片、相片及音樂等多媒體檔案；同時支援鏡射功能，將手機影像傳至電視播放。新機還支援語音功能，只需對着遙控器讀出如85台、YouTube等就能自動轉台或搜尋關鍵字，想睇心水節目話都冇咁易。

日系優化影院畫質

日本Panasonic推出的55吋TH-55GZ1000H採用OLED屏幕，備有3,840×2,160解像度，同時支援Dolby Vision、HDR10+、HLG等不同HDR格式，無論煲碟或串流睇片都有超靚畫質。新機還用上HCX PRO Intelligent處理器，由荷里活調色師調校畫面色彩，於家裏睇片都能擁有媲美影院的質感。另一賣點是引進Netflix校色模式（Calibrated Mode），當播放Netflix串流節目時能優化畫質，不單令色彩層次更細緻，亦有助提升光暗對比，迎合新一代串流用家需要。

用家可透過遙控器以語音操作轉台，亦能以關鍵字搜尋節目。

Hisense U7A（1000）系列將《Netflix》、《YouTube》等人氣Apps預設在介面中。售價：$6,990（55吋）（a）

Hisense U7A（1000）系列將《Netflix》、《YouTube》等人氣Apps預設在介面中。售價：$6,990（55吋）（a）

韓系新極限 10億色彩

為了將電視色彩推至極限，Samsung推出的Q60R QLED TV系列引進量子點技術，能輸出10億種色彩，無論在陰暗或明亮場景都能帶來逼真畫質。同時支援HDR10+技術，能自動調整畫面亮度令光暗更分明；配合AI高解像度提升功能，有效減少雜訊、修補細節及銳化輪廓。為照顧喜歡打機的用家，同時引進FreeSync（VRR）技術減少視訊輸入遲滯，新年同親朋好友玩競賽遊戲時，便能享受實時速度感。