Happy Hour鬆一鬆時令Tapas好送酒

上班一族放工都愛啤一啤，就連不少OL都會趁機與絲打或閨密喝一杯吹吹水放鬆一下，當然，如果可以將歡樂時光移師到屋企就更Relax，而飲酒又怎少得酒餚，一於跟中環一間西班牙餐廳總廚Antonio Martin，學用時令食材炮製非常好送酒的傳統Tapas，食住Hea！
鱈魚釀西班牙小紅椒<br>餡料鹹香惹味，而紅椒醬清新微甜，鹹中帶甜，別具風味。
鱈魚釀西班牙小紅椒
餡料鹹香惹味，而紅椒醬清新微甜，鹹中帶甜，別具風味。

鹽漬鱈魚　牛奶減鹹

Chef Antonio Martin指西班牙的洛多薩（Lodosa）秋天盛產Piquillo紅椒，除了鮮椒外，還有去皮處理好的罐頭產品，在一般精品超市或專營歐洲食材店舖都有供應，味道較一般紅椒鮮甜得多。當地人會用它配新鮮鱈魚，又或用鹽漬鱈魚來作菜。「鹽漬鱈魚和中式鹹魚有點相似，肉質結實而帶鹹香，傳統會在浸水後，放入牛奶煮滾，有助減低鹹味。」大家亦可用普通鱈魚加鹽炒香來代替，但風味略遜。

Chef Antonio Martin畢業於西班牙Higher School for Hospitality Management of Seville，其後到米芝連1星餐廳Taberna de Lillas Pastia by Carmelo Bosque任職，現為中環一間西班牙餐廳總廚。
  • Chef Antonio Martin畢業於西班牙Higher School for Hospitality Management of Seville，其後到米芝連1星餐廳Taberna de Lillas Pastia by Carmelo Bosque任職，現為中環一間西班牙餐廳總廚。

至於煮過鱈魚的牛奶，千萬別倒掉，可以用來配以其他材料打成白汁，有助添加惹味度，加點魚肉拌勻成餡料釀入Piquillo紅椒。想口感更佳，可以預先將紅椒內的細核清理乾淨才釀入餡料，之後倒入微甜的紅椒醬烤焗便完成。烤香的釀鱈魚，鹹香富嚼勁，與清爽白酒或果香啤酒都匹配。

材料：

Lodosa Piquillo紅椒 200克

鹽漬鱈魚 100克

麵粉、牛油 各40克

牛奶 250毫升

鹽少許

蒜 10克

洋葱 50克

紅椒 200克

青椒 100克

忌廉 100毫升

橄欖油 10毫升

做法：

1. 鹽漬鱈魚浸水24小時，每8小時換水，瀝乾水後放在牛奶中煮滾，隔走牛奶後鱈魚去骨撕成小塊。
  • 1. 鹽漬鱈魚浸水24小時，每8小時換水，瀝乾水後放在牛奶中煮滾，隔走牛奶後鱈魚去骨撕成小塊。
2. 洋葱、青椒、紅椒、蒜切小塊，加橄欖油和鹽煮軟，加忌廉奶煮5分鐘，打成紅椒醬汁。
  • 2. 洋葱、青椒、紅椒、蒜切小塊，加橄欖油和鹽煮軟，加忌廉奶煮5分鐘，打成紅椒醬汁。
3. 將煮鱈魚的牛奶、牛油和麵粉拌勻成白汁，放入鱈魚肉拌勻放涼。Lodosa Piquillo紅椒內釀入鱈魚白汁，表面掃滿紅椒醬，以150℃焗10分鐘便成。
  • 3. 將煮鱈魚的牛奶、牛油和麵粉拌勻成白汁，放入鱈魚肉拌勻放涼。Lodosa Piquillo紅椒內釀入鱈魚白汁，表面掃滿紅椒醬，以150℃焗10分鐘便成。

撰文：林佩婷　

攝影：張群生

查詢電話：2523 8624