襪仔襯得靚秒變潮人

俗語有云：「着鞋唔着襪，老套兼核突」，今時今日襯衫唔着襪雖未至於核突，但成個Look就好似「差少少嘢。」事關街頭時裝友近排無論着涼鞋、波鞋或高踭鞋，都要加多對襪仔襯吓，令一身型格裝扮更圓滿，潮味更濃，想秒變潮人就要學吓佢哋點襯！

復古波襪

最Hit短襪非復古波襪莫屬，隨着80年代懷舊風與運動熱潮來襲，厚身毛巾波襪大受潮人熱捧。最簡單襯法當然係波襪襯波鞋，不過想襯得更潮更突出，反而要來一招「九唔搭八」，即是一身高貴優雅裙裝打扮，再配搭波襪與高踭涼鞋，營造出強烈對比效果，型格指數即時急升。

放大圖片	Nike Elite Crew白色間條襪 $99/對（E）

adidas白色Mid Cut Crew Socks $169/3對（A）

adidas TBIITD 3 Stripes彩色間條襪 $179/2對（A）

踢拖着襪

Socks & Slides（即波襪襯拖鞋）可說是第一個彈出的短襪熱潮，亦成功令運動拖鞋與健康涼鞋大熱起來。襯運動拖鞋都是選波襪或厚身爬山襪最為穩陣，顏色方面以黑白灰為佳，能貫徹整體的運動效果。若穿Teva爬山涼鞋或Birkenstock一類的涼鞋，反而可大膽少少，特別是山系Look向來愛玩撞色撞圖案，所以不妨襯上誇張鮮色及圖案款式，令打扮更添層次感。

放大圖片	Decka Mix灰色厚襪 $329/對（D）	Henrik Vibskov黃×黑×藍格仔襪 $199/對（B）
Marimekko粉紅色波點襪 $330/對（C）	Marimekko橙×粉紅色花花襪 $220/對（C）	Happy Socks Sunny Side Up黑× 黃×藍×綠色襪 $160/對（F）