SE3 Mini騎乘篋神旅行慳腳力

香港人鍾意旅行，除了暑假要外遊，唔少人已Plan緊中秋、聖誕等旅行大計。到外地食買玩，難免由朝行到晚，仲要孭住背囊或旅行篋裝戰利品，都咪話唔辛苦。主力研發電動平衡車的Airwheel，最近推出智能旅行篋SE3 Mini，可以成個人騎住佢當電動車周圍走，幫各位慳番唔少腳骨力！

SE3 Mini
售價：$4,980（a）

急停轉彎易操控

SE3 Mini榮獲兩項iF Design Awards設計大獎及多項發明專利，皆因它顛覆了旅行篋傳統，裝得衫褲手信之餘，仲可坐住佢行走。其底部設有3個實心輪，只要坐上去再拉起智能手把，一按右鍵便會前行，最高速度達8km/h，嫌太快的話可按左鍵減速，兩邊一齊按則能後退，相當易上手。實測智能篋在一般平路行得好順，急停、轉彎都冇問題，連石屎路和小斜坡都應付自如，不過斜坡若大於15度便有機會溜後。

可拆電手提上機

外形方面，它採用流線科幻設計，表面是德國PC覆膜及台灣奇美ABS物料，防水耐磨；內部則用上航空級鋁合金框架，實測170磅大男人坐上去都未見變形。它以19,800mAh電池驅動，除了為智能篋提供行走動力，還備有兩個USB充電插口，可為手機等Gadgets充電。為符合航空公司要求，電池採用可拆式設計，可如一般手提行李Hand Carry上機。美中不足是容量只有26L，較適合短途旅客使用。

SE3 Mini最高速度達8km/h，平路行得相當順暢，Model大嗌好玩！	備有TSA密碼鎖，去美國等地區可供海關開鎖檢查。	供兩個USB充電插口，方便手機等Gadgets充電。
26L容量間隔分明，啱晒短Trip使用。	用上三輪設計，實心輪耐磨防穿，石屎路都行得穩陣。	以19,800mAh電池驅動，並有專用按鍵檢查電量。