賽車手實試！Suunto 5定位錶準

智能運動手錶近年大受跑山一族及運動員歡迎，可經GPS記錄路線及訓練數據。今次訪問的女賽車手張瑛（Cherry）便佩戴新款Suunto 5，她表示：「我鍾意佢設計輕巧功能強，而且定位準確，可用到40小時，適合在賽車場訓練使用。」

Cherry指Suunto 5錶身夠輕之餘，GPS能長時間準確定位，適合運動員使用。

賽車耐力要求高

很多人以為賽車手在車廂齋坐，對體能要求不高，Cherry解釋：「車廂內的溫度可高達70℃，而且G-Force離心力好勁，我試過賽完後要人扶住才能落車，體能少啲都唔掂。」她平時多以長跑訓練耐力，Suunto 5支援80多個自訂運動模式，可計算時間、平均圈速、強度區間及卡路里等，可按着訓練計劃來調整設定。而且內置心率感測器，心跳過高時會作出提醒，唔怕Interval或Tempo Run時操爆偈！

Suunto 5提供黑、白、石墨銅、勃艮第銅多色錶身選擇。售價：$2,990起/各（a）	不銹鋼錶圈配合水晶鏡面，在陽光底下都睇得清楚。	由於冇得篤芒，需要以實體按鍵操作，幸好不難上手。
附有專用充電線，只要對準磁石點吸實即可。	錶底設有心率感測器，方便用家隨時量度心跳率。	新錶可計算時間、平均圈速、強度區間及卡路里等數據。

衞星定位系統準確

賽車場大多位處偏遠位置，Cherry指很多手錶都未能定位。幸好新錶支援GPS、GLONASS、GALILEO及QZSS四大衞星定位系統，提供精準定位及路線規劃。在GPS開啟的情況下，其續航力長達40小時，日常啟動心率檢測模式可用到5天，相當長氣。雖然去年推出的Suunto 9旗艦手錶功能較齊全，但錶身略嫌笨重，今次Suunto 5重量減至66g，錶帶闊度為22mm，女士手臂較幼都戴得貼服，而且備有黑、白、石墨銅、勃艮第銅多色選擇，平時戴出街襯衫都冇問題。