A3平玩三鏡Android原生操控

各大手機廠都愛為旗下產品植入自家介面，好似小米有MIUI、Samsung有One UI等，雖然可令手機功能更豐富，但唔係人人鍾意。想體驗原生Android系統的簡便操控，除了其「親生仔」Pixel系列之外，依家仲可選擇小米新抵港的A3，用上Android原生作業系統，配合機背三鏡頭、屏下指紋等實用功能，平價機都一樣賣點十足。

小米A3用上Android原生作業系統，配合機背三鏡頭影相一流。

6.088吋水滴芒

小米A3雖然屬千多元的入門手機，但外觀拍得住旗艦機款，提供灰、白、藍3色選擇，配合3D玻璃弧形背面，在光線折射下呈現不同色彩效果。至於機面的6.088吋水滴芒，屏佔比及可視角不俗，惟解像度只有720p級數。幸好廠商作出另類「補償」，引進高階機款的屏下指紋功能，一按屏幕即可解鎖，最多可儲存5組指紋；同時對應人臉解鎖，方便又安全。

AI場景辨識功能

現時不少手機都擁有多鏡配置，新機機背便搭載200萬像素景深鏡、800萬像素廣角鏡及4,800萬像素主鏡頭，可隨時切換至兩倍變焦及廣角效果，當中廣角鏡頭用來Snapshot景物相當實用。同時支援AI場景辨識功能，拍攝人像、花朵等主題時會自動改變設定。至於3,200萬像素前置鏡頭加入大光圈人像模式，以及磨皮、瘦臉、大眼等美顏特效，自拍效果出眾。

小米A3採用6.088吋水滴芒，纖幼邊框令視野更廣闊。<br>售價：$1,799

小米A3採用6.088吋水滴芒，纖幼邊框令視野更廣闊。
售價：$1,799

鏡頭支援AI場景辨識，認到人臉會自動轉至人像模式。

曲面玻璃機背加入三鏡頭設計，外形不俗。

支援系統升級

A3屬Android One系列手機，搭載Snapdragon 665處理器、4GB RAM及128GB ROM硬件，由於沒有多餘UI或程式，令手機運作速度更加爽快。而原生Android 9系統內置「Google助理」及「健康數碼生活」，前者可透過語音查詢資料，或者開啟導航、電話撥號等；後者則可查閱Apps使用時間，並提供放鬆模式，將屏幕轉為灰階來培養用家睡意。另一重點是Android One提供2年系統升級及3年安全更新，保證升級到新系統。

「健康數碼生活」可查閱各Apps使用時間，玩咗幾耐一目了然。

支援雙卡雙待，其中一個卡槽可插入microSD記憶卡。

「FLOWERS PIECES」繁花光影互動感官展

打卡好去處：「FLOWERS PIECES」繁花光影互動感官展

暑假想影靚相，大可到訪馬鞍山MOSTown新港城中心的「FLOWERS PIECES」繁花光影互動感官展，展覽與日本互動光雕設計團隊NAKED Inc.合作，透過虛擬實境、3D投影、音效等展示花卉主題。由即日起至9月1日免費入場之餘，每逢星期六、日更可體驗Canon全片幅無反相機的拍攝功能及即場打印靚相。