柴油貴過汽油？

「追到女，定係追到個B做未婚爸爸先？個樣愁成咁？」

這位揸搵食車朋友大吐苦水：「條柴追到喇！」

編者說：「自己做老細都有柴升，勁喎！」

他搖搖頭說：「係柴油價追到汽油價呀，揸車成本飆升，搵食艱難！」

編者恍然大悟，以2018年12月12日油價看，汽油每公升$16.09，而柴油每公升$13.5。單看兩油價格，別以為柴油勝一籌，其實內有乾坤，自2003年沙士一役後，政府為復甦經濟，重振物流業，因此實施柴油免稅政策，一直沿用至今，這些年來油商伺準機會，讓柴油價格逐步侵佔這個免稅空間，如果減去汽油的每公升燃油稅$6.06後，油商實質袋$10.03，換言之，袋足$13.5的免稅柴油，是賺得好盡。

難怪物流業界大吐苦水，就連使用柴油的公共交通工具也叫慘，政府真係要動動腦筋，處理好一直詬病的油價問題，要不然爆發類似法國的「黃背心」事件，出現街頭示威，佔乜佔物就不好了。

今期特派記者遠赴美國，現場直擊洛杉磯車展盛況，本地則帶大家睇睇Jaguar Land Rover的一站式體驗中心。而Bentley Continental GT Convertible的豪邁，都是必睇內容。

朱志華