「9系」精粹大集合

稍為熟悉波鞋潮流的朋友都應該聽過New Balance分「千系」、「9系」及「5系」等不同系列，由外觀線條輪廓、鞋身物料、中底緩震科技以至產地都各有不同，當中「9系」都算品牌入面最大家族，由1982年首對M990開始每隔幾年就有新款推出（但冇推出過M994），到1996年M999誕生，當人人以為「9系」從此玩完，事隔兩年NB又整多對M990v2話過你聽「9系」仲有排玩，而最新一對M990v4就喺前兩年推出，照睇日後應該仲會有M990v5、M990v6。可能NB見去年推出集百家之大成的全新鞋款247反應唔錯，今年就將千禧年後推出、充滿科技感的「9系」鞋款設計匯集變成全新的X-90型號。