夏日必備 10大沙灘「神」器

Droplet Wet Bag 水滴摺袋

想手機和銀包等隨身物免受海水入侵，收納袋當然要輕便防水。美國Matador的Droplet Wet Bag採用防撕裂尼龍物料，容量約3L，配合矽化PU塗層達致防水效果。而且袋身摺疊後可放入一個水滴形膠殼內，便攜度滿分。

神奇指數：★★★（以5★為滿分）

Droplet Wet Bag索袋展開後面積約 23×27cm。售價：$134（a）

摺疊後可變回「水滴」，相當的骰。

Dezzio Tote Bag 一袋多用

Dezzio新推出的Tote Bag不但設有間隔擺放小物，最正係兩邊口袋隱藏了保冷位，拉鏈竟然係開瓶器，更設有充電器專用插位，真係估你唔到。袋身用上防水帆布物料，袋底更可拆除以便揈走沙粒。

神奇指數：★★★★★

Dezzio外形同一般手袋冇乜分別，但設計實用。售價：$649（b）

特設充電插位，隨時為Gadgets補充電量。

Beach Vault 鑽沙防盜

沙灘人來人往，必定要打醒十二分精神，留意隨身財物。想更加安全的話，可利用Beach Vault收納盒，它用上螺絲狀設計，將銀包、手機等放入盒內之後，便可鑽入沙之中，並以附設的專用浴巾及頭枕覆蓋，神不知鬼不覺！

神奇指數：★★★★

螺絲狀收納盒可鑽入沙之中，足夠擺放隨身物件。售價：$299（b）

附有開孔的浴巾，可圍繞收納盒鋪於沙上。

Lagu沙灘巾 免黏沙粒

沙灘的沙粒熱辣辣，梗係要鋪番張墊先可以曬太陽。澳洲Lagu沙灘巾以防沙作賣點，亞麻混紡面料無論乾濕情況都唔會黏沙，輕輕一揈即可將沙粒一掃而空。至於沙灘巾面積約1.52×1.14米，具有防敏、快乾等特點，用嚟抹身都冇問題。

神奇指數：★★★★★

沙灘巾面積夠大，輕輕一揈，沙粒即時飛走。售價：$298（b）

Lunar火水燈外形吸引，可以手提或座地擺放。售價：$960（b）

Lunar 百變燈具

想喺沙灘浪漫睇星，便要帶齊照明裝備。來自集資網的Lunar百變燈具，外形參考自懷舊火水燈，卻可隨時調校LED亮度及支援IPX4防水功能。它附有兩樣配件，可將火水燈搖身一變成手提燈或者電筒，更內置10,000mAh電池，緊急時可當作外置充電器使用。

神奇指數：★★★★

手提燈可掛於樹或營帳，燈蓋更有夜光功能。

電筒配件設有放大鏡及手把，可將燈光擴散。

Max Pump Plus 瞬間充氣

又要玩水泡，又想瞓浮床，唔想未玩水已吹到索晒氣，僅重150g的Max Pump Plus就大派用場。它可輸出2,000Pa氣壓，充一次電足夠為50個水泡充氣。最神奇係支援真空吸氣功能，收拾充氣用品就更加方便。

神奇指數：★★★

Max Pump Plus支援IPX4防水，兩個插口分別用作充氣及吸氣。售價：$299（a）	Aquabot手動泵氣用法同玩具水槍一樣，好易上手。售價：$242（a）	扭動蓋口調校噴水或噴霧，之後輕壓樽蓋即可射出水柱。

Aquabot 噴射水樽

Lunatec出品的Aquabot外形與一般水樽無異，可裝1,000ml水，最特別是加入壓力噴射樽蓋，手動泵氣後可射出水柱或噴霧，為夏日帶來清涼快感。廠方表示水柱可射至8米咁遠，用來沖走手腳沙粒易如反掌。

神奇指數：★★★★

冰霸杯 平價保冷

烈日當空，想歎番杯冰凍飲品，不妨試吓近期喺台灣勁Hit的冰霸杯，廠方稱不銹鋼杯身可保冷24小時！小記帶住裝滿冰的冰霸杯在沙灘曬3小時，再於室溫擺放3小時，內裏的冰粒只融化1/3左右，最吸引是定價$70左右。

神奇指數：★★★

冰霸杯的杯口夠大， 可裝滿一杯台式飲料。售價：約$70（d）	Button Pouch 2.0可擺放6吋大芒手機。售價：$268（不連手機）（c）	將藍牙遙控器放入袋內，可透過袋外的兩個按鍵控制快門及拍攝。

Button Pouch 2.0 手機防水

想喺沙灘Selfie打卡，手機必不可少，想好好保護手機的話，可考慮Air Button推出的Button Pouch 2.0，它支援IPX8防水標準，可容納6吋屏幕以下的機款。最特別是袋身設有兩個按鍵，配合袋內的藍牙遙控器，落水都可隨時影相拍片。官方還提供《Camera Blue》App，拍攝時會自動將相片調色。

神奇指數：★★★

Mogone 驅走惡蚊

曬太陽時唔想成為惡蚊目標，可以試吓韓國Mogone電子驅蚊器，它透過聲波模擬雄性蚊子飛行頻率，減低雌性蚊子出現的機會。其外形同鎖匙扣差唔多，可掛於手袋或褲頭，以USB充電30分鐘即可用到約30小時。

神奇指數：★★★

撰文：林子聰 攝影：張群生

模特兒：Vanessa（Reborn Production）

查詢：（a）6310 6776、（b）2568 2778、（c）anlander.com、（d）6909 8865