Mini 2 PM220一分鐘隨身印相

暑假派對聚會影嘅靚相，除咗擺上網放閃，其實仲可以印出來留為紀念。Kodak新一代Mini 2 PM220相片打印機，體積只有78×132×25mm，僅重245g，放入手袋可輕鬆帶出街使用。操控方面，各位只需於iOS或Android手機安裝專用App，便可經NFC或藍牙與打印機連接，直接印出2R相片，還可加入濾鏡、圖案、文字及相框，相當好玩。由於新機用上4PASS熱昇華打印技術，能將色帶上的黃、紅、藍染料依次印在相紙上，呈現出256色階1,670萬種色彩，最後再加入特殊保護塗層便完成，實測印一張相僅需1分鐘左右，成像細緻銳利。較為可惜是機身內置的620mAh電池不太耐用，幸好可經microUSB介面隨時以「尿袋」充電。