師情草意：苦盡甘來
「啞子食黃蓮，有苦自己知！」
「吃得苦中苦，方為人上人！」
「苦海無涯，回頭是岸！」
睇嚟從古至今，我哋都視嘗苦係一種試煉，一種並非常人能容易應付嘅歷煉。不過古語有云：「苦盡甘來」，其實，好多時苦過之後，會有另一番嘅得着。就好似我哋今期嘅主角穿心蓮（King of Bitters / Creat / India Echinacea）。
穿心蓮學名為Andrographis paniculata，原產於東南亞地區，因此廣為印度、泰國，以及中國等國家使用。不過，由於佢實在太過苦，基本上無乜人會用佢嚟作日常食糧，反而多數會將佢作藥用或保健用途。
苦到爆兼勁粗生嘅穿心蓮藥用價值可謂同佢嘅苦味成對比。依家就等我同大家介紹吓佢最耍家嘅其中四樣「醫術」：護心——配得上穿心蓮呢個名，佢嘅拿手好戲，當然同心臟有關，早在西草藥師開始使用穿心蓮時，已發現佢對心臟相關疾病有幫助(1.)。而現在嘅科學家更一步步確實穿心蓮呢個功效(2. ,3.)。
護肝膽——用途多多嘅穿心蓮，除咗可以護心，對肝膽嘅健康都有提昇嘅作用(4.)。呢啲會唔會就係傳說中嘅「忠肝義膽」？
抗炎——可能由於炎症係好多疾病發生嘅源頭，穿心蓮不論喺任何地方，都有被用作對抗炎症，用穿心蓮處理炎症如發熱，又或者因炎症所引起嘅癥狀如腹瀉，佢都從來無令人失望。而且，現代科研更發現穿心蓮嘅安全系數亦高，可以安心依據西草藥師的指引，適量服用(5.)。
KEEP血糖——除咗之前三樣耍家醫術，有助血糖維持喺正常水平，穿心蓮都一樣幫到手。早喺2005年已有臨床實驗證實穿心蓮對糖尿病患者嘅幫助(6.)！椎心之痛，畢生難忘；穿心之蓮，先苦後甜！
Reference：
(1.), (5.) Okhuarobo, A., et.al.（2014）. Harnessing the medicinal properties of Andrographis paniculata for diseases and beyond: a review of its phytochemistry and pharmacology. Asian Pacific Journal of Tropical Disease, 4（3）, 213-222.
(2.) Hsieh, YL., et.al.（2016）. Andrographis paniculata extract attenuates pathological cardiac hypertrophy and apoptosis in high-fat diet fed mice. Journal of Ethnopharmacology, 192, 170-177.
(3.) Ren, J., et.al.（2016）. Andrographolide Ameliorates Abdominal Aortic Aneurysm Progression by Inhibiting Inflammatory Cell Infiltration through Downregulation of Cytokine and Integrin Expression. The Journal of Pharmacol and experimental therapeutics, 356（1）, 137-47.
(4.) Neogy, S., et.al.（2008）. Amelioratory effect of Andrographis paniculata Nees on liver, kidney, heart, lung and spleen during nicotine induced oxidative stress. Environmental Toxicology and Pharmacology, 25（3）, 321-328.
(6.) Aqarwal. R., et.al.（2005）. Open label clinical trial to study adverse effects and tolerance to dry powder of the aerial part of andrographis paniculata in patients type 2 with diabetes mellitus. The Malaysian Journal of medical sciences: MJMS., 12（1）, 13-9.
網址：www.facebook.com/wherbta
Alice Chan（陳雅詩）
（Reg. Psychologist）香港註冊心理學家
（Chartered Herbalist）加拿大特許西草藥師
M.Sc.（University of London）
High Dip. Pharma Tech.
Email：alice@wherbta.com
Dr. Bonita T.Y. Chan（陳德宜）
Registered Herbalist
加拿大安大略省註冊西草藥師
（Nutritionist）營養學家
Ph.D（The Chinese University of Hong Kong）
香港中文大學生化博士
前美國Baylor College of Medicine, Texas Medical Centre疾病機理研究員
前美國University of Pittsburgh疾病機理研究員
Email：bonitatychan@wherbta.com