潮物傳情愛侶型得起
香港人好懶，每逢佳節來來去去都係送嗰幾款禮物，就以情人節為例吧，一係送玫瑰花，一係就送些「畫公仔畫出腸」嘅心形Bear Bear熊、配飾或圖案T恤衞衣等，十年如一日，新意欠奉，搞到2008年收嘅禮物，到2018仍然放喺櫃底，認真浪費！所以作為潮人買嘢精，送禮物畀愛侶真係要「啡唇」少少。送花或送公仔唔係唔得，但未必要去花舖或公仔店舖買，去潮店一樣搵到型靚正貨色，係睇你有冇心思去搵啫！
Flowers for Her
提起時裝界的著名花飾配件，大家可能第一時間想起CHANEL的山茶花配飾，其實另一法國殿堂級時裝品牌SAINT LAURENT也推出過花飾Item，如AW17系列中便有一款以羊皮製造的黑色Flower Choker，立體花卉設計戴在頸上，既搶眼又不失奢華感，再搭配喱士透視服飾就更顯性感迷人，相信時裝精女友或太太收到會好合心水。
如果另一半不愛Choker的束縛感，不如考慮送上穿戴感覺舒適的手鈪。由設計師品牌Oscar de la Renta推出的花卉Bangle，採用立體花卉配閃金色設計，無論是色調抑或整體輪廓，都是最搶眼的型號。
Flowers for Him
男士送花給女士好似天經地義，但年年如是好似「悶棍」咗少少。不如今年搞搞新意思，由女生送花給男士吧！送花形式可略作改變，由送真花改為送加有花卉圖案設計的潮物，例如GUCCI的花卉圖案Baseball Cap，便是興足兩年仍然熱潮不減的定番Item。帽子的Floral Print既古典又帶點浮誇感覺，盡顯設計師Alessandro Michele的獨有魅力，愛玩造型的潮男應該不難Carry。
Bear for Her
大部分女生都愛Bear Bear熊，但傳統的毛茸茸公仔熊又略嫌普通，不妨改送KUMANOKOIDO的African Pattern Teddy。它有別本地千篇一律的公仔熊設計，以西非的蠟染布及複雜工藝製造，可愛得來充滿民族風情，送畀口味獨特的她最適合不過。加上KUMANOKOIDO本身是個慈善項目，今回將象徵世界各地的泰迪熊與代表西非的傳統文化工藝彩色蠟染布，結合成商品出售，收益將用作支援西非社區家庭和建水井之用，所以送African Pattern Teddy給女友的同時，又可以做善事，好有意義！
除送熊公仔畀女友攬住瞓外（或作擺設），可諗諗送潮牌Teddy Bear配飾。近年浮誇搞怪時裝大盛，而AMBUSH更加是光速上位的品牌之一。其設計團隊包括日、韓精英，對於兩地時裝的精妙處自然拿捏得精準，就如近期推出的金色小熊吊飾頸鏈，正是展現品牌精髓的名物，戴在對方身上自必然會型女上身。
Bear for Him
別以為熊公仔是女性的專屬玩意，其實很多男士也情迷BE@RBRICK玩具，而且往往不惜一擲千金，儲齊心頭好，瘋狂程度跟女士買衫買鞋有得揮。近日這個紅遍天下的玩具品牌，與日本時裝品牌MAISON MIHARA YASUHIRO合作推出Bear Toy套裝，無論是400%或100%大的BE@RBRICK，都用上啡黑色Half and Half設計，十分特別，相信玩具迷男友收到後，必定會一百倍感動。
撰文：張榮熹
查詢：（A）2868 0092、（B）www.farfetch.com、（C）2524 4492、（D）www.ln-cc.com、（E）www.ambushdesign.com