倫敦直擊：時裝界熱玩「即睇即買」
Fast Fashion的興起，令製作成本更低，甚至可以令貨場在一星期內換幾轉款，完全顛覆了傳統高級時裝的四季出貨秩序。加上科技進步，讓我們透過手機便可即時網購。這種「即食」文化促使時裝界萌生了See Now Buy Now 「即睇即買」的谷銷售策略。換言之，個騷一完，客席上的VIP便能衝到專門店或網店搶到新貨，而不必再花時間等等等。
蔚然成風
自2016年秋冬Burberry帶頭行事後，TOM FORD、Tommy Hilfiger、Ralph Lauren及Mulberry等時裝品牌亦紛紛加入「即睇即買」的行銷陣營。不過，TOM FORD自從上年秋冬試過一次實驗性體驗後，就話再冇下次，照咁睇呢種概念對時裝界的影響是好是壞仍是未知之數。不過行內依然有不少品牌以此為噱頭，希望乘機刺激生意額。
早前，小編到英國出席Marks and Spencer 2017年秋冬發布會，便見證了品牌試行See Now Buy Now模式。除了即場展示5件秋冬女裝，更預告來季流行色調和印花圖案，讓在場VIP及傳媒睇完Show，可即時在當地專門店入手新裝。雖然「即睇即買」騷已經結束，但本地時裝精毋須失望，因這批新貨已確定於6月底在香港上架，即是大家都可以未轉季就有新衫着。
網址：www.marksandspencer.com
特派記者：黃秀敏