「志明」新鏡登場
自2010年《志明與春嬌》電影上映後，「志明」同「春嬌」嘅愛情故事就好似變成香港人嘅集體回憶。繼5年前第2集《春嬌與志明》上映後，第3集《春嬌救志明》近日終於上映。除了影迷好想入場關心二人的故事外，潮人亦同樣想知咩品牌出品的鏡款會成為新一集的「志明鏡」。
走60s復古風格
隨着電影上映，答案終於揭盅！今集「志明」所配戴嘅係DITA United鏡款（上集係戴Barton Perreira Bronski鏡款），設計由美國團隊負責，並交由日本眼鏡職人製造。風格採用60年代復古元素，分別於鏡腳及鏡橋位置添上仿古銀鍍層營造懷舊質感，而鏡臂、鼻托及鏡橋則有DITA以鑽石刀頭雕刻的經典菱形圖案；而全副鏡架均採用純鈦金屬製造，並配上日本酣酸纖維腳套，據指每副DITA眼鏡均經過320個工序，耗時8至12個月製造，因此產量有限，想入手一副扮吓「志明」就唔好等，即飛撲入手喇！
其實鏡頭以外「志明」自家品牌MADNESS近日亦聯同NATIVE SONS推出一款太陽眼鏡John Q，分別有視光及太陽鏡片兩款，玩眉架設計以酣酸纖維一體成形，鏡橋部分並無選用金屬配件，並由福井縣眼鏡職人製作，作為「志明鏡」信徒呢副同樣要入埋！
撰文：賴文曦
查詢：（A）2377 3388、（B）www.mdnsonline.com