Galaxy Tab S3 6mm超薄誘畫

近年平板新品買少見少，想搵大芒平板一係焗住用國產雜牌一係得iPad選擇。幸好Samsung沒有遺忘平板市場，剛推出新一代Galaxy Tab S3，9.7吋2K大芒機身僅厚6mm，仲備有改良版S Pen及AKG調音喇叭，內外兼備。唯一問題係賣成五千元咁貴，值唔值？即刻同你睇睇！

Galaxy Tab S3<br>售價：$4,998（Wi-Fi版）、$5,598（4G版）

Galaxy Tab S3
售價：$4,998（Wi-Fi版）、$5,598（4G版）

9.7吋2K屏幕

小記玩過上一代Galaxy Tab S2，一字記之曰「輕」！今次S3感覺依舊，皆因機身設計大同小異，重434g、厚6mm，不但比新出的9.7吋iPad輕同薄，亦比同尺寸iPad Pro薄0.1mm，數字上完勝對手。而2,048×1,536解像度屏幕用上4:3比例，上網或睇文件的觀感比16:9屏幕舒適，而且橫向使用時重量分配平均；不過睇片時上下會出現兩條大黑邊，用唔盡屏幕。而機身有黑、銀兩色選擇，外形亮麗不易刮花，只不過指紋問題比上代嚴重。

Galaxy Tab S3用上9.7吋2K屏幕，色彩亮麗自然，一改上代偏藍感覺。

簡約的機背加入玻璃面，可惜較易沾上指模。

專用筆記式保護套賣$299，可配合S3作橫置睇片，可惜4:3屏幕上下會留有兩條大黑邊。

專用筆記式保護套賣$299，可配合S3作橫置睇片，可惜4:3屏幕上下會留有兩條大黑邊。

S Pen快夾準

Galaxy系列高階平板向來以S Pen作賣點，不過今代支筆再唔係收納於機內，改為以筆夾方式獨立放置，筆身長137mm、粗9.4mm，握感與真筆無異。新S Pen支援4,096級筆壓感應，筆尖幼至0.7mm，以跟機的專業繪圖工具《ArtRage》測試，無論畫幾快都能同步感應，連深淺筆觸都感應得到。跟機還有很多繪圖Apps，如提供簡單畫具的《ArtCanvas》、透過圖畫與他人交流的《PEN.UP》，以及讓大家填色減壓的《Recolor》等，鍾意畫畫嘅人士必Like！

4G版對應雙卡雙待，其中一個卡槽可改插microSD卡。

1,300萬像素主鏡頭，下方設有LED閃光燈。

新版S Pen長137mm，並附設筆夾，握感猶如真筆。

音效如臨現場

硬件方面，新機內置Snapdragon 820四核心處理器及4GB RAM，打機、播片都相當流暢，試玩大食手遊《真三國無雙．斬》，爽快程度唔會輸畀家用遊戲機。提起打機，它可說是廠方首部配備Game Launcher的平板，將遊戲Apps集中在一起，並提供禁用通知、擷圖及錄製功能，方便玩家分享。此機另一賣點是音色，機身上下4組喇叭均經過AKG調音，並會根據平板橫直方向而自動切換音頻。試看《Thor: Ragnarok》預告片，不用耳機也聽到前後左右的環繞聲分布，效果猶如置身其中。

《Recolor》玩法有啲似「Secret Garden」，提供大量填色圖案，幫大家紓緩壓力。	試玩大食手遊《真三國無雙．斬》，百人斬時畫面都唔Lag。	首配Game Launcher，提供禁用通知、擷圖及錄製功能。
《PEN.UP》是另類社交平台，用戶可透過畫作與人交流。	提供簡單裁相及執相功能，並有大量濾鏡選擇。