本土風味 滷味炸物
不少人都鍾意食滷味，好的滷味，滷水膽汁一定有番咁上下歷史，才能煮出美味的滷味。一間位於旺角的新開小食店，不但裝潢充滿懷舊味道，更播着不少80、90年代的粵語流行曲，包括張國榮、陳百強的經典金曲。店舖既有滷味，亦賣炸物。滷水汁為師傅私伙十多年的滷水膽再加入瑞士汁調校而成，分別滷煮雞髀、豬手、豬大腸等，不怕肥的朋友可以點個東坡肉飯，充滿油香。至於炸物，則有日式串炸、炸雞髀等，必試芝士海龍波波，每日新鮮以墨魚膠、蝦膠打成，再加入芝士，咬開有流心效果，超惹味。
另一家位於大角咀、主打墨魚餅的小店，老闆娘每日以人手打製，爽口彈牙，最近小店搬至同區另一舖位，更新增不少菜式。以墨魚膠釀入油炸鬼做成的墨小鬼，炸後香脆惹味，蘸酸酸甜甜的泰式酸甜醬，開胃得很。飽肚之選還有墨脆堡，特別挑選了用墨魚汁做的黑色漢堡包，夾入特厚的墨魚餅、青瓜、生菜及松露醬，用料相當豐富。當然不少得必吃的招牌紫菜墨魚餅飯，配以太陽蛋及豉油，好吃，難怪街坊多年來也吃不厭。
查詢電話：（a）2788 2300 、（b）2395 6368
撰文：孔科怡
部分攝影：張群生