M5 Note平玩八核秒速對焦

早幾年國產機以平、靚、正作賣點，吸引不少用家入手。惟近期國產機款愈賣愈貴，難得的是魅族（Meizu）毋忘初衷，推出千多元的M5 Note，用上Helio P10八核心處理器，配以3GB RAM及32GB ROM，效能不俗之餘，仲植入1,300萬像素PDAF主鏡頭，支援F2.2大光圈及雙色溫閃光燈，對焦快達0.2秒。

售價：$1,569

實測所見對焦快、測光準，並提供水平儀、HDR、即時濾鏡、手動模式、美顏、慢動作等豐富功能，配套媲美大牌子旗艦機。另加入指紋識別器、4,000mAh大電池、mCharge快充技術等，功能齊備。外形方面，一體化金屬機身經過雙層3D噴沙處理，質感比同價塑膠機好得多。屏幕則有5.5吋1,080p解像度，試播《金剛：骷髏島》預告片畫面亮麗細緻，連動物毛髮也清晰可見，只嫌屏幕太光有點刺眼。幸好它提供護眼模式，又可隨意調校色溫，長時間睇片都唔怕攰！

一體化金屬機身，備有1,300萬像素鏡頭。	底部喇叭孔以CNC裁切而成，音色自然均勻。	支援兩張SIM卡，其中一張卡槽可改插microSD記憶卡。
播放《金剛：骷髏島》預告片，屏幕色彩亮麗，從動物毛髮可見其細緻度。	內置手機管理工具，可清理垃圾及掃描病毒。	手動拍攝模式可調校感光度、曝光時間、飽和度及白平衡。