咳神C孔實試變種插畫神器

插畫師、設計師、攝影師等從事創作嘅專業人士，每逢繪圖或執相都會用到繪圖板，Wacom針對這類人士特別開發Intuos Pro Paper Edition和Cintiq Pro兩款變種繪圖板，雖然一般人睇落去覺得塊塊板都差唔多，但插畫師咳神和C孔試完就有唔同睇法，究竟新板有乜咁神奇？即睇！

咳神（左）、C孔（右）

Intuos Pro Paper Edition記錄真迹轉存數碼檔

Intuos Pro Paper Edition繪圖板提供Medium和Large兩種尺寸，可讓用家夾上A5（Medium）及A4（Large）紙張，配合專用墨水筆以真紙繪畫，過程中繪圖板會自動記錄筆觸順序，將紙上的作品數碼化，毋須畫完再Scan咁麻煩。咳神指出：「我好鍾意用紙筆畫畫，呢塊板除咗可繪畫電腦畫外，亦能夠保留真迹，其實都幾革命性，假如可以支援鉛筆、顏色筆等就更好。」

Intuos Pro Paper Edition頂部可夾實紙張記錄筆觸，另可作一般繪圖板使用。<br>體積： 338×219×8mm（Medium）、430×287×8mm（Large）<br>重量：700g（Medium）、 1.3kg（Large）<br>售價：$3,380~$4,380<br>

Intuos Pro Paper Edition頂部可夾實紙張記錄筆觸，另可作一般繪圖板使用。
體積： 338×219×8mm（Medium）、430×287×8mm（Large）
重量：700g（Medium）、 1.3kg（Large）
售價：$3,380~$4,380

利用《Inkspace》軟件開啟檔案，會見到事先儲存嘅圖層，並可另存為JPEG等檔案。

利用《Inkspace》軟件開啟檔案，會見到事先儲存嘅圖層，並可另存為JPEG等檔案。

單Click觸控環按鍵會開新一頁，雙Click則會儲存並另開圖層。

儲存最多200圖層

另一賣點係新增圖層功能，當畫完某部分時再雙Click觸控環按鍵，就會儲存並另開新圖層，最多可收錄200個圖層，可利用藍牙將圖畫於電腦的《Inkspace》軟件轉存為電子檔。咳神表示：「對於插畫師嚟講，Layer有好大作用，因為可以加入唔同效果，方便局部拉大/縮小、修改、上色等後製，仲可以儲存成唔同格式，支援JPEG、PSD及AI作業，畀唔同人士使用。」

跟機附有專用墨水筆和Pro Pen 2繪圖筆，以及鋼製畫筆筆座。

咳神作品<br>由於咳神繪畫時已將作品分開了幾個圖層，要局部放大或縮小某一圖層相當簡便。

咳神作品
由於咳神繪畫時已將作品分開了幾個圖層，要局部放大或縮小某一圖層相當簡便。

Cintiq Pro 植入靚芒 8,192級壓感

至於內建屏幕嘅Cintiq Pro繪圖板，備有13.3吋和15.6吋兩款可揀，前者支援1,920×1,080解像度和87% Adobe RGB色域，後者則擁有4K解像度和94% Adobe RGB色域，確保色準跟打印成品一致。而兩板均支援8,192級壓感，配以全新Pro Pen 2繪畫靈敏精準。C孔笑言：「呢塊板嘅靈敏度比平時用嘅繪圖板更高，初用時需要啲時間適應，例如落筆有少少震動佢都會感應到。」由於Cintiq Pro必須接駁電源和電腦使用，所以難以帶住周圍去，不過勝在機身纖薄輕巧，屏幕更支援多點觸控功能，能夠透過手勢來平移、縮放或旋轉畫面。C孔指出：「新板可以直接用個芒去畫嘢，慳番好多桌面空間，尤以13.3吋Size較為啱心水。」

C孔作品由於繪圖板嘅壓感高達8,192級，所以C孔輕易繪畫出細緻圖像，例如少女衣袖和頭頂貓嘅細節盡現。體積： 360×235×11.9mm（Cintiq Pro 13）、410×265×14.5mm（Cintiq Pro 16）重量： 1.1kg（Cintiq Pro 13）、1.5kg（Cintiq Pro 16）	頂部設有多個功能鍵，包括設定、虛擬鍵盤、觸控開關等。	兩側合共設有3個USB插口，仲附有SD記憶卡槽存取檔案。
外置筆座可橫放或直放，視乎用家嘅使用習慣。	底部備有托架，讓用家以傾斜角度舒適地繪畫工作。