Karma Grip專屬手柄追拍穩定

市面唔少副廠手持雲台都專為GoPro而設計，所謂肥水不流別人田，GoPro最近正式推出原廠Karma Grip，對應Hero 5 Black/Session、Hero 4 Black/Silver運動相機，手機內置電池仲可供電給Action Cam，使續航力提升至1小時45分鐘左右，咁就唔驚拍拍吓冇電。另一賣點是用上三軸雲台設計，提供鎖定和跟隨兩種模式，以便用家因應唔同主題拍攝，小記測試時邊跑步邊拍片，畫面都唔會好Chok，加上手柄設有獨立鍵控制GoPro開關、拍攝，以及新增HiLight標記，仲可直接切換GoPro拍攝模式，使用相當就手。最正係手柄和雲台可以分拆，並附有專用保護盒，讓各位將雲台獨立裝上對應的無人機，或者利用連接線裝於胸前、頭盔等位置，以第一身運動拍片。