嚴選打機補品電競少女單挑達哥

《Overwatch》射波挑機

網絡紅人「達哥」近年又拍廣告又出Show，今次「電競女神」嘉靖於電競節向佢挑機，她表示心情緊張：「我一直以嚟都睇達哥嘅打機片撈飯，今次與偶像同台比賽，心情勁興奮！」今天3:00pm~4:00pm，嘉靖和達哥將分別揀選兩位粉絲上台，以3 Vs 3對戰《Overwatch》限時夏季運動會的競球關卡。嘉靖補充：「平時玩《Overwatch》鍾意每局重生玩法，考驗玩家嘅技術。今次趁住運動熱潮，會以《Overwatch》中里約出身的路西歐鬥射波，還會Cosplay遊戲角色和各位見面。」大家想近距離接觸電競女神就記得入場呀！

電競節主舞台規模比去年大一倍，可容納更多機迷觀戰。	嘉靖的對戰項目為《Overwatch》限時夏季運動會的關卡。	達哥將於今天3:00pm~4:00pm迎戰電競女神嘉靖。
嘉靖將於會場跟觀眾玩《Overwatch》，為此她近期加緊備戰。

ROG GT51電腦最煞食

打機想玩得叻除咗要鑽研技巧外，嘉靖認為電競配備亦是致勝關鍵。今年電競節於主舞台外，各大廠商均設置產品體驗區畀大家即場試玩。當中嘉靖最鍾意ASUS電腦ROG GT51：「機箱前方設有似足渦輪的進氣口，內裏配備脈衝寬度調變風扇以助散熱，加埋LED燈效十足Iron Man裝甲咁有型。」硬件方面，它選用沒有鎖頻的Core i7處理器，並搭載兩張GeForce GTX Titan X顯示卡，用來打機唔怕Lag。

ROG GT51渦輪般的進氣口加入LED燈效，勁Cyber。	Alienware Aurora雖然機身細小，但內置CPU水冷系統。	G933 Artmis Spectrum能模擬7.1聲道音效，原價$1,699，會員價僅售$999。

嫌GT51太大部的話，嘉靖推介DELL的骰電競電腦Alienware Aurora。「機身雖然小巧，但內置CPU水冷系統，搭載Core i5處理器及256GB SSD，定價萬元左右適合預算不多的玩家。」當然，打機部「腦」要勁之餘，鍵盤滑鼠同樣重要。「喺現場Logitech攤位買G710+ Blue青軸機械鍵盤，會員價僅$699，平出面近一半之餘仲送G303滑鼠連特大鼠墊，抵到爆！」

E-Sports Arena全民打機

去年首辦電競節，好多機迷都覺得參與度不足，所以今年新增E-Sports Arena區，每天會有不同比賽如《英雄聯盟》PvP等上演，讓觀眾即場做台主，還預備了《炸彈人》等經典遊戲供大家比試。至於HTC Vive亦擺放混合實境Mixed Reality攤位，同場設置兩部Pro Racing Simulator試玩台，讓大家投入仿真方程式賽車的飆速快感。其他精彩比賽首推周日舉行的Capcom Pro Tour和ROG CS: GO Asia Tournament Final，前者於10:00am開打，日本「格鬥之神」梅原大吾將與其他選手決戰《街霸V》，後者則是《CS: GO》亞洲區的重要賽事，世界排名第10的內地勁旅「TyLoo天祿」將來港比併，高手雲集，萬勿錯過！

周日（8月21日）10:00am舉行的Capcom Pro Tour，會有專屬舞台打《街霸V》。	現場擺放Pro Racing Simulator仿真方程式試玩台，大家可一試身手。	HTC Vive攤位讓各位體驗疑幻似真的混合實境Mixed Reality遊戲。

活動詳情

日期：2016年8月19日至8月22日（星期五至一）

時間：10:00am~9:30pm（8月22日至6:00pm）

地點：香港會議展覽中心一號展覽廳

門票：$30（身高1米以下小童及65歲以上長者，或持合資格「傷殘人士登記證」人士免費入場）

網址：www.chkci.org.hk

撰文：廖俊斌

部分攝影：蔡浩文