名古屋識食日與夜

早晨篇：搞鬼父子玩轉咖啡

甚麼是至歎嘅Morning？老香港可能會話茶樓的一盅兩件，名古屋人則會在喫茶館（咖啡店）尋找他們的Morning Service！此服務其實指用一杯飲品的價錢，便可享用店家附送的餅點小早餐。今次介紹喫茶Tsuzuki當然唔止咁簡單！別小看它是開業70年的老店，只會吸引懷念昔日情調的老顧客，實情店內不時傳出年輕女生的笑聲；皆因店主父子都築憲幸和都築秀紀對研發咖啡創意樂此不疲，話說40年前都築爸爸已開始在客人面前表演即場沖製牛奶咖啡，到6年前兒子更進一步，想出企上櫈作高空沖啡表演，而兩年前難度再升級，爬上梯子離地3米來沖製，結果連藝人都慕名前來見識。

嫌表演太浮誇，店內的抹茶咖啡及紅豆咖啡，亦是父子得意之作；前者會用上沏抹茶的工具，將茶粉倒進熱咖啡中，然後不停攪動至泛起泡沫，賣相散發和風氣息之餘，味道更能做到茶啡並重；後者則是紅豆蓉和熱齋啡分開上桌，紅豆蓉的作用就如牛奶加沙糖，可因應自己的喜好而添加，而且入口帶有紅豆蓉的粒粒口感，相當滋味！至於附上的小早餐中，我建議大家不妨多加幾百日元，享用有炒蛋及多款時令水果的烤多士套餐，保證飲食均衡又一定飽肚，真的大滿足呢！

牛奶咖啡表演由父親都築憲幸（左）所創，兒子都築秀紀（右）再將它向高空發展。	咖啡店內滿是色彩繽紛的鮮花，讓人誤會走進了花園。	老闆好識搞氣氛，表演完沖咖啡，更會叫大家擺Pose拍攝。
如果大家想一試「即沖」咖啡的滋味，都築先生會直接將牛奶及咖啡倒入你口腔，可謂夠晒滋味。	採訪當日就遇到一班可愛女生，慕咖啡表演之名而來。	很多日本藝人也專程前來欣賞空中咖啡表演。
以日本茶道方式沖沏的抹茶咖啡，味道與風味並重，￥500（約HK$38.5）。	特別選用有瓶頸的杯子，沖咖啡時便不會輕易溢出。	多加￥600（約HK$46.2）便可享用豐富的烤多士早餐。

喫茶Tsuzuki

地址：名古屋市中村區太閤通6-1 Tsuzuki大樓 2樓

營業時間：7:30am~7:30pm

網址：kissatuzuki0.wixsite.com/kissatuzuki

晚市篇：清酒配手羽先

手羽先（雞翼）是名古屋的代表美食，一路上總有一兩間專門店喺左近。但身為唔識日文的外國客人，不妨到榮站附近的名古屋的和風Dining Makamaka居酒屋享用，事關店內有靚仔店長岩月大地利用翻譯軟件跟客人溝通和介紹菜式，唔怕點錯菜之餘，其招牌金銀手羽先亦享負盛名，當中金手羽先以醬油和辣椒燒製，銀的則以鹽、大蒜和黑芝麻來調味，各有風味，而且店舖會用較大隻有肉地的雞翼，讓人吃得更為痛快。店長同時推薦配上日本第五大清酒產區愛知縣的吟釀來享用，令味道更相得益彰，例如味道較重的金手羽先，與凍飲的生道井純米若水最啱Key；而味道輕一點的銀手羽先，則建議配上散發甜甜蜜瓜香氣的菊鷹純米若水，感覺相當圓滿。

金（右）銀（左）雞翼每款有4隻，而且隻隻飽滿，各售￥734（約HK$56.5）。	名古屋人吃鰻魚飯，會分原味、加葱和茶泡三種食法，一次享用三種口味，每客￥2,100（約HK$161.7）。	配上各款愛知縣清酒，口味自然更地道啦！每客￥880（約HK$67.8）起。

若果怕只吃雞翼唔夠飽，不如再多點一份鰻魚飯。名古屋人喜歡將一碗鰻魚飯分成4份享用，第一份是無添加原汁原味，第二份則可加入香葱、芥末和味粉，第三份用茶泡，最後一份按自己喜好再吃一次，同一款食品，可吃到3種不同口味，心中不禁暗讚當地人真識食！

名古屋的和風Dining Makamaka

地址：名古屋市中區榮3-11-13 GK大樓2樓

營業時間：5:00pm ~ 1:30am

網址：www.nagoya-makamaka.com/

酒店住宿有優惠

愛精打細算的朋友要留意，旅遊網站Expedia即日至8月29日推出「環球酒店優惠」，一般酒店住宿可享85折優惠，其中名古屋Unizo Inn Nagoya Sakae酒店，雙人房每晚HK$512起，而港人最愛的東京、大阪和京都等地的酒店，更最高可享50%折扣，如東京赤阪地鐵站附近的赤阪岐山花園酒店，雙人房每晚HK$581起。於優惠期預訂的酒店入住日期由即日起至2016年10月9日。

網址：www.expedia.com.hk

Travel Notes

簽證：持有效特區護照及BNO均毋須簽證

機票：香港來回名古屋經濟客位機票，每位約HK$1,696起

貨幣：￥100約兌換HK$7.7

天氣：8月氣溫約24℃ ~ 33℃

特派記者：李家俊

鳴謝：Expedia、Rental819（香港/澳門）